გიორგი ნიკოლაძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა პეტერბურგის ტექნოლოგიური ინსტიტუტი 1913 წელს.

1913–1916წწ. მუშაობდა ტულა–კოსაია–გორას თუჯის, იუზოვკის(დონეცკი) მეტალურგიულ ქარხნებში; 1916–1918წწ. ენაკიევოს მეტალურგიულ ქარხანაში; 1918 წელს დაბრუნდა საქართველოში; იგი მიიწვიეს მრეწველობისა და ვაჭრობის სამინისტროში ინჟინერ–მეტალურგად; 1929–1930წწ. თბილისში(დიდუბეში) მისი ხელმძღვანელობითა და უშუალო მონაწილეობით აშენდა ფეროშენადნობთა სადნობი საცდელი ღუმელი, რომელზედაც ჩატარებული ცდების შედეგები საფუძვლად დაედო ზესტაფონის ფეროშენადნობთა ქარხნის მუშაობას; მნიშვნელოვანი შედეგები აქვს მათემატიკაშიც; 1927 წელს დაამუშავა ალგებრული წილების ალგებრული სისტემების თეორია; მან დიდი წვლილი შეიტანა საქართველოში სპორტის პოპულარიზაციის საქმეში; 1908 წელს წარმატებით გამოვიდა ტანმოვარჯიშეთა შეხვედრაზე ბულგარეთში; 1912 წელს პეტერბურგის გუნდ "სოკოლის" შემადგენლობაში იყო და მონაწილეობა მიიღო მე–6 მსოფლიო შეკრებაზე პრაღაში; 1923 წლის 28 აგვისტოს მოაწყო ალპინისტური ასვლა მყინვარწვერზე, რამაც დასაბამი მისცა ალპინიზმს ყოფილ სსრკ–ში; შექმნა პირველი ქართული სახემძღვანელო – "დიფერენციალური გეომეტრიის ელემენტები" (1934); მისი ხელმძღვანელობით გამოიცა პირველი ქართული სახელმძღვანელოები ტანვარჯიშში; ტექნიკურ დარგში საუკეთესო მეცნიერული ნაშრომისათვის საქართველოს მეცნიერებათა აკადემიამ დააარსა გიორგი ნიკოლაძის სახელობის პრემია (1973); ასევე, თბილისის სახელმწიფო უნივერსიტეტში, მექანიკა–მათემატიკის ფაკულტეტზე, დაწესებულია გ. ნიკოლაძის სახელობის სტიპენდია; ამავე უნივერსიტეტში არის მისი სახელობის გეომეტრიის კაბინეტი. დისერტაცია დაიცვა სორბონში, 1928 წელს.

წყარო: მამულიშვილთა სავანე. - თბ., 1994. - გვ.290

• სატანვარჯიშო საზოგადოება(დონბასი), დამფუძნებელი (1913-)
• სატანვარჯიშო საზოგადოება(თბილისი), დამფუძნებელი (1918-)
• საქართველოს გეოგრაფიული საზოგადოება, ერთ-ერთი დამფუძნებელი (1924-)

• პირველი ქართული ასვლა მყინვარწვერზე (ავტორი). - თბილისი, საბჭ. საქართველო, (სტ. N 12), 1983. - 91გვ.
• მხაზველობითი გეომეტრიის კურსი : უმაღლ. სასწავლ. პოლიტექნ. და პედ. ფაკ.-ბისათვის (ავტორი). - თბილისი, ტექნიკა და შრომა, 1957. - 430გვ.
• დიფერენციალური გეომეტრიის ელემენტები (ავტორი). - ტფილისი, სახელგამის სასწ. პედაგ. სექტორი, (1-ლი სტ.), 1934. - 300გვ.