ოლღა სოსელია

დაბადების ადგილი: სოფელი ობუჯი, წალენჯიხის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1935 წელს.

1939-1950წწ. კითხულობდა საქართველოს ისტორიის ზოგად კურსს თბილისის სახელმწიფო უნივერსიტეტში; 1941 წლიდან მუშაობდა საქართველოს მეცნიერებათა აკადემიის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში, 1946 -დან უფროს მეცნიერ-თანამშრომლად, 1975-დან მეცნიერ-კონსულტანტად. იკვლევდა ფეოდალური საქართველოს სოციალ-ეკონომიკური და პოლიტიკური ისტორიის საკითხებს; დასავლეთ საქართველოს სათავადოების ისტორიას; იყო საქართველოს ისტორიის ნარკვევების მე-4 ტომის ერთ-ერთი ავტორი; ავტორია მრავალი სტატიისა ქართულ საბჭოთა ენციკლოპედიაში; ისტორიის მეცნიერებათა დოქტორი (1969); პროფესორი (1990).

დაიცვა საკანდიდატო დისერტაცია 1944 წელს; სადოქტორო დისერტაცია 1969 წელს.

• 1980 - საქართველოს მეცნიერებათა დამსახურებული მოღვაწე

• ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან : სათავადოები (ავტორი) // ნაწ.3. - თბილისი, მეცნიერება, 1990. - 205გვ.
• ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან (ავტორი) // ნაწ. 1 : სათავადოები. - თბილისი, მეცნიერება, 1973. - 331გვ.
• ფეოდალური ხანის დასავლეთ საქართველოს ისტორიიდან : სათავადოების სისტემა (ავტორი). - თბილისი, მეცნიერება, 1966. - 239გვ.
• მასალები კლასობრივი ბრძოლის ისტორიისათვის ფეოდალური ხანის დასავლეთ საქართველოში (XVII ს. მიწურულიდან XIX ს. 40-იან წლებამდე) (ავტორი). - თბილისი, საქ. სსრ მეცნ. აკად. გამ-ბა და სტ., 1960. - 167გვ.