მერაბ ბერძენიშვილი

დაბადების ადგილი ქ. თბილისი.

დაამთავრა თბილისის სამხატვრო აკადემია 1956 წელს.

ძირითადად მუშაობს მონუმენტური ქანდაკების დარგში. ბერძენიშვილის ნამუშევრებს ახასიათებს ფორმების დინამიზმი, გამომსახველი პლასტიკურობა, შინაგანი დრამატიზმი. ძირითადი ნამუშევრები: "რუსთაველი" (თაბაშირი, 1956, სადიპლომო ნაშრომი, საქართველოს პარლამენტის ეროვნული ბიბლიოთეკა), "რუსთაველი" (ბრინჯაო, 1966, მოსკოვი), ვახტანგ გორგასლის ძეგლის პროექტი(1958); მონუმენტები: დავით გურამიშვილი (თუჯი, 1965, თბილისი), გიორგი სააკაძე (ბრინჯაო, 1971, კასპი), მედეა (ბრინჯაო, 1968, ბიჭვინთის საკურორტო კომპლექსი), "მუზა" (ბრინჯაო, 1971, თბილისი), "კიდევაც დაიზრდებიან..." (ბრინჯაო, 1975, მარნეული), ლაოსის მეფის მონუმენტი (ბრინჯაო, 1975, ვიენტიანი, ლუანგ-პრაბანგი). პორტრეტები: ქართველი ქალი (ხე, 1958), ლადო ქოქიაშვილი (ბრინჯაო, 1958), კოტე მარჯანიშვილი (დიურალუმინიუმი, 1966, თბილისი, მეტროს სადგური "მარჯანიშვილი"). წარმატებით მუშაობს გრაფიკისა და ფერწერის დარგში. აფორმებს წიგნებს, ქმნის დაზგურ პორტრეტებს, თეატრალურ აფიშებსა და პლაკატებს. 2001 წელს მიენიჭა ნობელის მშვიდობის პრემიის ლაურეატის ფრიტიოფ ნანსენის სამახსოვრო მედალი. 2014 წელს საიუბილეო თარიღთან დაკავშირებით ხელოვნებაში შეტანილი განსაკუთრებული წვლილისთვის კულტურის სამინისტროს სპეციალური ჯილდო - "ხელოვნების ქურუმი" გადაეცა; 2015 წელს ქ. ოზურგეთის თანამედროვე სახვითი ხელოვნების ცენტრს სურათების გალერეას მერაბ ბერძენიშვილის სახელი მიენიჭა.

წყარო: ქართული საბჭოთა ენციკლოპედია, ტ. 2. -თბ., 1977. - გვ. 335-336; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.112 

• საქართველოს კულტურის ფონდი, პრეზიდენტი (1994-)
• საქართველოს მეცნიერებათა აკადემია, წევრ–კორესპონდენტი
• სსრკ მეცნიერებათა აკადემია, წევრ–კორესპონდენტი

• 2013 - წმინდა გიორგის ოქროს ორდენი (საქართველოს მართლმადიდებელი ეკლესიის უმაღლესი ჯილდო)
  დიდი წვლილისა და მაღალი სულიერი და ზნეობრივი ღირებულებების დამკვიდრებისთვის
• 2010 - ილიას მედალი, "მარად და ყველგან, საქართველოვ, მე ვარ შენთანა"
  ქართული კულტურისა და სულიერების წინაშე განსაკუთრებული ღვაწლისათვის
• 2002 - საერთაშორისო ბიოგრაფიული ცენტრის ჯილდო "XX საუკუნის მიღწევებისათვის"
• 1995 - საქართველოს სახელმწიფო პრემია (ერთობლივი გამარჯვება)
  დიდგორის სკულპტურულ-არქიტექტურული მემორიალის შექმნისთვის, არქიტექტორ თამაზ გაბუნიასთან ერთად
• 1983 - თბილისის საპატიო მოქალაქე
• 1978 - საქართველოს სახალხო მხატვარი
• 1976 - სსრკ სახელმწიფო პრემია, მონუმენტი "კიდევაც დაიზრდებიან..."
• 1965 - საქართველოს დამსახურებული მხატვარი
• 1960 - მსოფლიო ახალგაზრდობის ფესტივალის დიპლომი, პორტრეტი ქართველი ქალი

• მშვენიერება და სიმახინჯე : წერილები (ავტორი). - თბილისი, 2004. - 272გვ.. - ISBN: 99940-726-9-2
• ზარი : ხელოვანის ჩანაწერები (ავტორი). - თბილისი, საბჭ. საქართველო, 1979. - 171გვ.
• მერაბ ბერძენიშვილი : ალბომი (ავტორი). - თბილისი, ხელოვნება, 1972. - 119გვ.