
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გრიგოლ ფერაძე

Other name:	წმ. მღვდელმოწამე გრიგოლ ფერაძე (Name in religion)
Date of birth:	31 August, 1899
Date of death:	6 December, 1942 (at 43 years)
Category:	Theologian, Historian, Religious leader

Biography

დაბადების ადგილი: სოფელი ბაკურციხე, სიღნაღის რაიონი.

დაამთავრა თბილისის სასულიერო სასწავლებელი 1913 წელს, ხოლო სასულიერო სემინარია - 1918 წელს. ამავე წლიდან სწავლა განაგრძო ახლადდარსებულ თბილისის უნივერსიტეტის სიბრძნისმეტყველების ფაკულტეტზე. გერმანიაში ბერლინის უნივერსიტეტში სწავლობდა თეოლოგიას და აღმოსავლურ ენებს. შემდეგ ბონის უნივერსიტეტში ფილოსოფიის ფაკულტეტზე გადავიდა, სადაც ნაშრომისათვის, რომელიც საქართველოს მონასტრებს შეეხებოდა, ფილოსოფიის დოქტორის ხარისხი მიიღო.

ისტორიის მეცნიერებათა დოქტორი, პროფესორი გრიგოლ ფერაძე 16 ენას ფლობდა; 1931 წლის 18 აპრილს ლონდონის წმ. სოფიის ბერძნულ საკათედრო ტაძარში ბერად აღიკვეცა; აქვე ეკურთხა დიაკვნად; შემდეგ გაგზავნეს პარიზში მის მიერვე დაარსებულ წმ. ნინოს სახელობის ქართულ ეკლესიაში, სადაც II მსოფლიო ომის დაწყებამდე იღწვოდა; II მსოფლიო ომის დროს ხშირად იფარავდა ფაშისტების მიერ დევნილ ადამიანებს; 1942 წელს იგი გესტაპომ დააპატიმრა ვარშავაში პოლონელ იატაკქვეშელებთან თანამშრომლობის ბრალდებით. მოთავსებული იყო პავიაკის ციხეში, შემდეგ - მაუთჰაუზენის საკონცენტრაციო ბანაკში, იქიდან გადაიყვანეს ოსვენციმის ბანაკში, სადაც დაიღუპა.1942 წლის 6 დეკემბერს თავის თავზე აიღო ერთი მრავალშვილიანი ებრაელის სასჯელი და მის მაგივრად შევიდა გაზის კამერაში. მისი ხელმძღვანელობით პარიზში გამოიცემოდა ჟურნალი "ჯვარი ვაზისა". 1995 წლის 19 სექტემბერს საქართველოს მართლმადიდებელმა ეკლესიამ მამა გრიგოლი წმინდანად შერაცხა. "წმინდა მღვდელმოწამე" არქიმანდრიტ გრიგოლ ფერაძის სხენების დღედ 6 დეკემბერი დადგინდა. პალეოგრაფი, არქეოგრაფი და ტექსტოლოგი.

წყარო: ქართული საბჭოთა ენციკლოპედია: ტ.10.-თბ., 1986.-გვ.261; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

Awards and Honors

2013 - საქართველოს ეროვნული გმირი

Bibliography

უცხოელ პილიგრიმთა ცნობები პალესტინის ქართველ ბერებისა და ქართული მონასტრების შესახებ (Author). - თბილისი, კანდელი, (ბ.ს. კომბ-ტი), 1995. - 168გვ.