ზაქარია ჭიჭინაძე

დაბადების ადგილი: ქ. თბილისი.

ქართველი საზოგადო მოღვაწე, გამომცემელი, ლიტეტატურისა და ისტორიის მკვლევარ-პოპულარიზატორი. იყო თვითნასწავლი. იდეური მიმართულებით ხალხოსანი. გამოაქვეყნა ოუენის, ფურიეს, პრუდონის, ლასალისა და ლუი ბლანის ბიოგრაფიები, დაწერა ნეკროლოგი კ. მარქსზე. ავრცელებდა არალეგალურ სოციალისტურ ლიტერატურას, ხელმძღვანელობდა მუშა-ხელოსანთა წრეს. მეორედ გამოსცა ბროსე-ჩუბინაშვილისეული "ქართლის ცხოვრება"(1913, ორ ნაწილად), "პარიზის ქრონიკა"(1910), გამოაქვეყნა საქართველოში ბატონყმობის ფაქტობრივი მდგომარეობის მასალები(დოკუმენტები). გამოცემები არ იყო კრიტიკული, მაგრამ აკმაყოფილებდა ისტორიულ-დოკუმენტური ძეგლების პოპულარიზაციის ინტერესებს. ამავე ინტერესებს ემსახურებოდა მისი მრავალრიცხოვანი(120-ზე მეტი) ნარკვევი და წერილი საქართველოს პოლიტიკურ, სოციალურ, ეკონომიური და კულტურის ისტორიის საკითხებზე. დიდი დამსახურება მიუძღვის ქართულ ხელნაწერთა შეგროვებასა და წიგნების გავრცელებაში, განსაკუთრებით აჭარასა და სამხრეთ საქართველოში.        

• როგორ მოატყუა პეტრე დიდმა ვახტანგ მეექვსე და 3000 ოჯახი ქართველთა (ავტორი). - თბილისი, კომპლექსი, 1990. - 27გვ.
• ოსების ჩამოსახლება ქართლში და ქართველების ამაგი და ღვაწლი მათზედ : ისტორიული მიმოხილვა (ავტორი). - თბილისი, ხელოვნება, 1990. - 15გვ.
• შოთა რუსთაველი, 1172-1216 (ავტორი). - თბილისი, არსენ. კალანდაძის სტამბა, 1884. - 68
• ქართული კალენდარი 1884 წ. (ავტორი). - ტფილისი, ვართანიანცის სტამბა, 1884. - 50გვ.