გიორგი ბოჭორიშვილი

დაბადების ადგილი: ქ. ტყიბული.

დაამთავრა თბილისის სახელმწიფო სამედიცინო ინსტიტუტი 1941 წელს.

1941-1942წწ. მონაწილეობდა დიდ სამამულო ომში; 1960-1974წწ. იყო თბილისის სამედიცინო ინსტიტუტის ჰოსპიტალური ქირურგიის კათედრის პროფესორი; 1974-1981წწ. ზოგადი ქირურგიის კათედრის გამგე; გამოიკვლია ცენტრალური ნერვული სისტემის როლი ძვლის ქსოვილის რეგენერაციაში; ერთ-ერთმა პირველმა დანერგა საქართველოში თრომბოემბოლიური დაავადების აქტიური მკურნალობის მეთოდი; 1981 წლიდან ჰოსპიტალური ქირურგიის პროფესორი; ავტორია 110 სამეცნიერო ნაშრომის და 18 წიგნის. ექიმი–ქირურგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "სპინური ანესთეზია სოლკაინით", დაიცვა 1949 წელს; სადოქტორო დისერტაციის თემა -"ცენტრალური ნერვული სისტემის უმაღლესი ნაწილების როლი ძვლის რეგენერაციაში", დაიცვა 1956 წელს ლენინგრადში, პავლოვის ინსტიტუტში.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.43; ენციკლოპედია საქართველო, ტ. 1. -თბ., 1997. -გვ. 475; ქართული საბჭოთა ენციკლოპედია, ტ. 2. -თბ., 1977. -გვ. 495; ავერსი: aversi.ge

• საქართველოს ქირურგთა საზოგადოება, წევრი (1942-)
• საქართველოს ქირურგთა საზოგადოება, მდივანი (1960-)

• 1998 - ღირსების ორდენი
• 1967 - საქართველოს მეცნიერებათა დამსახურებული მოღვაწე
• 1942 - სამამულო ომის ორდენი
• 1942 - წითელი ვარსკვლავის ორდენი

• რა უნდა იცოდნენ მამაკაცებმა პროსტატის კიბოს შესახებ (ავტორი). - თბილისი, საქართველოს მაცნე, 2003. - 64გვ.. - ISBN: 99928-28-86-2
• ავადმყოფის მოვლა : პრაქტიკული ჩვევები : დამხმ. სახელმძღვ. სამედ. ინ-ტის სტუდენტებისათვის (ავტორი). - თბილისი, განათლება, 1988. - 350 გვ.
• თრომბოფლებიტი (ავტორი). - თბილისი, საქ. სსრ მეცნ. აკად. გამ-ბა, 1961. - 86გვ.