ბორის წიფურია

დაბადების ადგილი: სოფელი ხორგა, ხობის რაიონი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1956 წელს.

1956-1962წწ. მუშაობდა სოხუმის ს. ჭანბას სახელობის სახელმწიფო აკადემიური თეატრის ქართულ დასში მსახიობად; 1962 წლიდან იყო თბილისის შოთა რუსთაველის სახელმწიფო აკადემიური თეატრის მსახიობი; 1984-1990წწ. თბილისის სახელმწიფო ცირკის დირექტორი; ტელე–შოუ "ფორტუნას" წამყვანი; 1966 წელს შედგა მისი დებიუტი რეჟისორ ი. ქავთარაძის ფილმში "თამაში უყაიმოდ"; განსაკუთრებით დიდი წარმატება მსახიობს მოუტანა შემდეგმა როლებმა: ხუტა ოდიშელიძე ("შერეკილები", 1973), მეწისქვილე ("დათა თუთაშხია", 1978), სელიმი ("მიზანში", 1979). მიღებული აქვს რესპუბლიკური კინოფესტივალის პრიზი, კომედიური როლების საუკეთესო შესრულებისათვის (1972).

წყარო: ეროვნული ფილმოგრაფიის პორტალი: geocinema.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.176

• საქართველოს კინემატოგრაფისტთა შემოქმედებითი კავშირი, წევრი (1965-2005)

• 2003 - თბილისის საპატიო მოქალაქე
• 1998 - ღირსების ორდენი
  ქართული თეატრალური და კინოხელოვნების განვითარების საქმეში შეტანილი პირადი წვლილისათვის
• საქართველოს სახალხო არტისტი

• მოგონებები = Воспоминания = Memories (ავტორი). - თბილისი, 1998. - 336გვ.