ალექსანდრე ბრეგაძე

დაბადების ადგილი: ტყიბულის რაიონი, სოფელი ცუცუხვათი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1954 წელს.

1954–1957წწ. მუშაობდა ლენინგრადის კურორტთა სამმართველოში; 1957–1960წწ. ხარკოვის სტომატოლოგიურ ინსტიტუტში კლინიკურ ორდინატორად; 1960–1969წწ. ამავე ინსტიტუტის ასისტენტად; 1969–1996წწ. იყო თბილისის  სახელმწიფო სამედიცინო ინსტიტუტის ქირურგიული სტომატოლოგიის კათედრის გამგე; 1997 წლიდან ამავე კათედრის პროფესორი. ავტორია 121 სამეცნიერო ნაშრომისა, მისი ხელმძღვანელობით მომზადებულია ხუთი  სადოქტორო და ექვსი საკანდიდატო დისერტაცია. არის ექიმი–სტომატოლოგი, მედიცინის მეცნიერებათა დოქტორი.

საკანდიდატო დისერტაციის თემა - "მიკრობთა ფაქტორების როლი პაროდონტის დაავადებათა ეტიოლოგიასა და პათოგენეზში ნორმალური და ტრავმირებული ნერვული სისტემის დროს", დაიცვა 1968 წელს.

სადოქტორო დისერტაციის თემა - "საღეჭი აპარატის ზოგიერთი ორგანოს სისხლძარღვთა სისტემის ცვლილებები ადგილობრივი გამა დასხივების შემდეგ ასაკობრივ ასპექტში", დაიცვა 1974 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.45

• დისერტაციების დაცვის საკოორდინაციო და ხარისხების მიმნიჭებელი საბჭო, თავმჯდომარე
• სამეცნიერო წოდებების მიმნიჭებელი საბჭო, წევრი
• საქართველოს სტომატოლოგთა და ყბა–სახის ქირურგთა ასოციაცია, წევრი (1982-)

• 1993 - გირიგოლ მუხაძის სახელობის მედალი
• 1964 - ზაზა ფანასკერტელ-ციციშვილის სახელობის მედალი

• ყბა-სახისა და პირის ღრუს ქირურგია : ტოპოგრაფიული ანატომია, ქირურგიული ანატომია, ოპერაციული მიდგომა, ტექნიკური შესრულება (ავტორი). - თბილისი, საბჭ. საქართველო, 2003. - 328გვ.
• ქირურგიული სტომატოლოგიის საფუძვლები (ავტორი). - თბილისი, საბჭ. საქართველო, 1998. - 440გვ.
• გადაუდებელი სტომატოლოგიური დახმარება (ავტორი). - თბილისი, საბჭ. საქართველო, 1988. - 178 გვ.
• პრაქტიკული სტომატოლოგია (ავტორი). - თბილისი, განათლება, 1980. - 261გვ.