შოთა გამყრელიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1947 წელს.

1948-1952წწ. იყო თბილისის სახელმწიფო სამედიცინო ინსტიტუტის ფსიქიატრიის კათედრის ორდინატორი; 1953–1954წწ. სოხუმის ფსიქიატრიული საავადმყოფოს მთავარი ექიმი; 1954–1959წწ. რესპუბლიკის ფსიქიატრიული საავადმყოფოს განყოფილების გამგე; 1959–1973წწ. მთავარი ექიმი; 1973–1992წწ. ფსიქიატრიის ინსტიტუტის განყოფილების მეცნიერ–ხელმძღვანელი; 1992 წლიდან ამავე ინსტიტუტის წამყვანი მეცნიერ–თანამშრომელი; პროფესორი. კლინიკური ფსიქოფარმაკოთერაპიის ფუძემდებელი საქართველოში. ავტორია 251 სამეცნიერო ნაშრომის, რომლებიც ეხება ფსიქიატრიის პრობლემურ საკითხებს. არის ექიმი–ფსიქიატრი, მედიცინის მეცნიერებათა დოქტორი, პროფესორი. სამამულო ომში მონაწილეობისათვის მიღებული აქვს 3 ორდენი და 10 მედალი.

საკანდიდატო დისერტაციის თემა - "მწვავე ექსპერიმენტალური ალკოჰოლური ინტოქსიკაციის პათოარქიტექტონიკის მასალები", დაიცვა 1959 წელს; სადოქტორო დისერტაციის თემა - "ცირკულარულად მიმდინარე მწვავე ატიპიურ აფექტურ ფსიქოზთა კლინიკო–ფსიქოპათოლოგიური თავისებურებანი", დაიცვა 1974 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.54; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.98

• საქართველოს მედიცინის მეცნიერებათა აკადემია, წევრი
• ფსიქიატრთა მსოფლიო ასოციაციის გენერალური ასამბლეა, წევრი
• ფსიქიატრთა რესპუბლიკური სამეცნიერო–პრაქტიკული საზოგადოება, პრეზიდენტი

• 1998 - ღირსების ორდენი
  მოსახლეობის ჯანმრთელობის დაცვის საქმეში შეტანილი დიდი წვლილისა და ნაყოფიერი სამეცნიერო მოღვაწეობისათვის
• 1981 - ჭიათურის საპატიო მოქალაქე
• 1967 - რესპუბლიკის დამსახურებული ექიმი
• კემბრიჯის უნივერსიტეტის ვერცხლის მედალი

• შიზოფრენია გუშინ, დღეს, ხვალ : ნარკვევები ფსიქიატრიის ისტორიიდან (ავტორი). - თბილისი, ლეგა, 2004. - 528გვ.. - ISBN: 99940-786-3-1
• ფსიქიკურ დაავადებათა მკურნალობა ანტიფსიქოზური მოქმედების მედიკამენტებით (ავტორი). - თბილისი, 1999. - 423გვ.. - ISBN: 99928-34-38-2
• დეპრესიის სამკურნალო მედიკამენტები (ავტორი). - თბილისი, საქართველო, 1996. - 192გვ.
• ტრანკვილიზატორები სამედიცინო პრაქტიკაში : შიშისა და შფოთვის საწინააღმდეგო მედიკამენტები (ავტორი). - თბილისი, საბჭ. საქართველო, 1989. - 182 გვ.