იოსებ იმედაშვილი

დაბადების ადგილი: სოფელი ხაშმი, საგარეჯოს რაიონი.

სწავლობდა თბილისის სახელოსნო სასწავლებლებში.

1890  წლიდან ეწეოდა რევოლუციურ აგიტაციას თბილისის ქარხნებსა და რკინიგზის სახელოსნოებში; ავცელებდა არალეგალურ ლიტერატურას; 1893 წელს ავჭალის, ხოლო 1902 წელს ავლაბრის მუშათა თეატრების პირველი რეჟისორი იყო; რედაქტორობდა ჟურნალს "თეატრი და ცხოვრება"; გაზეთებს: "ხალხის ერთობა" და "ხალხის თავისუფლება"; 1906 წელს აირჩიეს I სახელმწიფო სათათბიროს ამომრჩევლად; 1905–1906წწ. ხელმძღვანელობდა ივერის ხეობას; 1905 წელს თბილისში გლეხთა რაზმთან ერთად პროტესტით წარუდგა მეფის ნაცვალს გურიაში დამსჯელი რაზმების გაგზავნის გამო; 1910 წელს რევოლუციურ–პროპაგანდისტული მუშაობისათვის 4 წლით კატორღა მიუსაჯეს, რაც ავადმყოფობის გამო მეტეხის ციხეში პატიმრობით შეუცვალეს. 1895 წლიდან დაიწყო ბეჭდვა; შეადგინა და გამოსცა ორიგინალური და თარგმნილი პიესების ორი კრებული – "ცხოვრების სარკე"(1899, 1901). 1902 წელს გამოსცა მ. გორკის მოთხრობათა პირველი ქართული თარგმანების კრებული; 1903 წლიდან გამოაქვეყნა ურბანისტული შინაარსის მოთხრობები, სატირული რომანი "აახ–ვაახ"; ლექსთა რამდენიმე წიგნაკი: "სიყვარულის ძალა"(1904), "პროლეტარიატის ჰიმნი"(1905), "წითელი დროშა"(1907); 1904 წელს გამოსცა პირველი უცხო სიტყვათა ლექსიკონი"(II, III გამოცემები, 1918, 1928); ავტორია რომანებისა "განახლებული სიცოცხლე"(1919–21) და "ციბრუტა"(1940); მას ეკუთვნის აგრეთვე პიესები "იოსებ ლაღიაშვილი"(1920), "უკანასკნელი დედოფალი"(1929), ისტორიულ–ბიოგრაფიული ნარკვევები  ლადო აღნიაშვილსა და ივანე როსტომაშვილზე, ლიტერატურული და თეატრალური წერილები, მოგონებები, თარგმანები სომხური და აზერბაიჯანული  ენებიდან; შეადგინა ქართველ მწერალთა ლექსიკონი" (ძვ. წ. IV – ახ. წ. XX სს.).

წყარო: მამულიშვილთა სავანე. - თბ., 1994. - გვ.183; საქართველო: ენციკლოპედია: ტ. IV. -თბ., 2018. -გვ.239; საქართველოს დემოკრატიული რესპუბლიკის 1918-1921 სამუსიკო ცხოვრება/რედაქტორ-შემდგენლები: კატო ჯავახიშვილი, სალომე ჭანტურიძე, მირიან ხოსიტაშვილი.-თბ., 2021.-გვ.131 

• ავლაბრის მუშათა თეატრი, ერთ–ერთი დამფუძნებელი (1902-)
• ავჭალის მუშათა თეატრი, ერთ–ერთი დამფუძნებელი (1893-)
• რუსეთის სოციალ-დემოკრატიული მუშათა პარტია(რსდმპ), წევრი (1903-)

• ალების ცეკვა : დრამატიული ეტიუდი ერთ მოქმედებად (ავტორი). - თბილისი, ქართველთა მბეჭდავი ამხანაგობის სტ., 1920. - 15გვ.
• მზის ამოსვლამდე ანუ სიყვარულის კოცონზე : დრამატიული სურათი 1 მოქ. საქართველოს წარსულიდან (ავტორი). - თბილისი, ქართული ამხანაგობის სტ., 1920. - 15გვ.
• ხალხის გმირი : აფხაზური ლეგენდა (ავტორი). - თბილისი, თავართქილაძის სტ., 1904. - 48გვ.
• ქვის მტვრეველი (ავტორი). - თბილისი, ა. ქუთათელაძის სტ., 1904. - 32გვ.