შოთა მანაგაძე

დაბადების ადგილი: ქ. თბილისი.

სწავლობდა თბილისის სახელმწიფო უნივერსიტეტის იურიდიულ ფაკულტეტზე 1921 წლიდან; დაამთავრა თბილისის გიორგი ჯაბადარის თეატრალური სტუდია 1926 წელს; მოსკოვის საკავშირო სახელმწიფო კინემატოგრაფიის ინსტიტუტის სარეჟისორო ფაკულტეტი 1938 წელს.

1927-1928წწ. იყო ქუთაისის დრამატული თეატრის რეჟისორი და სამხატვრო ხელმძღვანელი; 1929-1931წწ. თბილისის მუშათა ახალგაზრდობის თეატრის ხელმძღვანელი; 1932 წელს თბილისის წითელი არმიის თეატრის რეჟისორი; 1934-1936წწ. მუშათა ახალგაზრდობის რესპუბლიკური თეატრის სამხატვრო ხელმძღვანელი და დირექტორი; 1938 წლიდან მუშაობდა კინოსტუდიაში "ქართულიფილმი" რეჟისორად; რეჟისორია ფილმებისა: "ჭირვეული მეზობლები"(1945), "საბუდარელი ჭაბუკი"(1957), "კეთილი ადამიანები"(1961), "ხევსურული ბალადა"(1965), "ჯვარცმული კუნძული"(1968), "ვინ შეკაზმავს ცხენს"(1963), "წუთისოფელი"(1971), "თვალი პატიოსანი"(1976), "ყვავილი თოვლზე"(1959).

წყარო: საქართველო: ენციკლოპედია: ტ.5. -თბ.,2023. -გვ.505-506

• 1972 - თბილისის V საკავშირო კინოფესტივალი
• 1967 - სან–ფრანცისკოს საერთაშორისო კინოფესტივალის პრიზი
• 1966 - საქართველოს სახალხო არტისტი
• 1966 - ვენეციის საერთაშორისო კინოფესტივალის პრიზი
• 1965 - კანის საერთაშორისო კინოფესტივალის პრიზი
• 1958 - კანის საერთაშორისო კინოფესტივალის პრემია
• 1957 - I საკავშირო კინოფესტივალის პრემია

• გრიმი : თეატრი-კინო (ავტორი). - თბილისი, სახელგამი, (პოლიგრაფტრესტის მე-2-რე სტ.), 1926. - 80გვ.