მერი ჭელიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1944 წელს.

1948 წლიდან კითხულობდა ლექციებს თბილისის სახელმწიფო უნივერსიტეტის ფილოსოფიის ფაკულტეტზე. 1962-1967წწ. ხელმძღვანელობდა თბილისის სახელმწიფო უნივერსიტეტის ფილოსოფიის კათედრას. მუშაობდა სასულიერო აკადემიაში საღვთისმეტყველო ფაკულტეტებზე, სადაც კითხულობდა ლექციებს ძველი აღმოსავლეთის, ანტიკურ ფილოსოფიასა და ელინიზმის ფილოსოფიაში. დიალექტიკის ისტორიის მკვლევარი, მისი შრომები ეხება ანტიკურ ფილოსოფიას, მარქსისტულ ფილოსოფიას, გერმანულ კლასიკურ იდეალიზმს (ჰეგელი), ბურჟუაზიულ ფილოსოფიის (ნეოჰეგელიანელობა) ისტორიას; მისი მონაწილეობით შედგენილია სახელმძღვანელოები ფილოსოფიის ზოგად, შუა საუკუნეებისა და XX საუკუნის ბურჟუაზიულ ფილოსოფიის ისტორიაში. სადოქტორო დისერტაცია დაიცვა 1967 წელს. ფილოსოფიის მეცნიერებათა დოქტორი (1967), პროფესორი (1969).

წყარო: ქართული საბჭოთა ენციკლოპედია: ტ. 11.-თბ., 1987.-გვ.390; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.251

• თბილისის სახელმწიფო უნივერსიტეტის ფილოსოფიის ფაკულტეტის სადისერტაციო საბჭო, თავმჯდომარე
• სკკპ, წევრი (1953-)

• 1998 - ღირსების ორდენი
  სტუდენტი ახალგაზრდობის აღზრდა-განათლების საქმეში შეტანილი პირადი დიდი წვლილისა და ნაყოფიერი მუშაობისათვის
• 1982 - საქართველოს მეცნიერებათა დამსახურებული მოღვაწე
• 1976 - საპატიო ნიშნის ორდენი

• ქართული ეროვნული გონი ფილოსოფიურ-ისტორიული ასპექტით (ავტორი). - თბილისი, თბილ. უნ-ტის გამ-ბა, 2002. - 332გვ.. - ISBN: 99928-33-95-5
• ელინიზმის ფილოსოფია (ავტორი). - თბილისი, თბილ. უნ-ტის გამ-ბა, 1992. - 360გვ.. - ISBN: 5-511-00470-7
• ქართველ და უკრაინელ ხალხთა თანამეგობრობის ფურცლები (ავტორი). - თბილისი, საქართველო, 1990. - 83გვ.