თამარ კუკავა

დაბადების ადგილი: სოფელი კავთისხევი, კასპის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი ქართული ენისა და ლიტერატურის სპეციალობით 1942 წელს.

1946-1948წწ. მუშაობდა ქ. გორის ნ. ბარათაშვილის სახელობის პედაგოგიური ინსტიტუტის უფროს მასწავლებლად; 1948-1952წწ. ა. ს. პუშკინის სახელობის თბილისის პედაგოგიური ინსტიტუტის უფროს მასწავლებლად; 1952-1971წწ. იყო საქართველოს მეცნიერებათა აკადემიის ფილოსოფიის ინსტიტუტის უფროსი მეცნიერ-თანამშრომელი; 1972 წელს მიენიჭა პროფესორის წოდება; 1971-2006წწ. ივანე ჯავახიშვილის სახელობის თბილისის სახელმწიფო უნივერსიტეტის ესთეტიკის კათედრის პროფესორი. სამეცნიერო და პედაგოგიურ მოღვაწეობასთან ერთად ნაყოფიერ მთარგმნელობით საქმიანობასაც ეწეოდა. მან სრულყოფილად იცოდა ძველი ბერძნული ენა. 30-მდე წიგნის და მრავალი სტატიის ავტორია. მიღებული აქვს სახელმწიფო ჯილდოები.

საკანდიდატო დისერტაციის თემა - "პლატონის მოძღვრება იდეებზე და მისი კრიტიკა არისტოტელეს მიერ", დაიცვა 1948 წელს; სადოქტორო დისერტაციის თემა - "შემეცნების თეორიის პრობლემები ძველ ბერძნულ ფილოსოფიაში", დაიცვა 1965 წელს.

წყარო: მეცნიერი ქალები: geowomen.wordpress.com; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.185;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია:  georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 221-222

• საქართველოს ფილოსოფიურ მეცნიერებათა აკადემია, აკადემიკოსი (1995-2007)

• 2001 - ღირსების ორდენი
• 1981 - ივანე ჯავახიშვილის სახელობის მედალი
• 1884 - შრომის ვეტერანის მედალი

• ახალგაზრდობის ზნეობრივი აღზრდა (ავტორი). - თბილისი, თბილ. უნ-ტის, 2004. - 135გვ.. - ISBN: 99940-20-88-9
• ესთეტიკა (ავტორი). - თბილისი, თბილ. უნ-ტის, 1997. - 191გვ.
• ეფრემ მცირის იამბიკოები (ავტორი). - თბილისი, თბილ. უნ-ტის, 1988. - 127გვ.
• ბერძნული ფილოსოფიის ისტორია : დამხმ. სახელმძღვ. უმაღლ. სასწ. სტუდენტებისათვის (ავტორი) // წ. 1. - თბილისი, განათლება, 1988. - 424გვ.