ზურაბ გორგილაძე

დაბადების ადგილი: სოფელი გორგაძეები, ქობულეთის რაიონი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფილოლოგიის ფაკულტეტი 1961წელს.

სხვადასხვა პერიოდში მუშაობდა: ბათუმის პიონერთა მოსწავლე - ახალგაზრდობის პარკში ქართული ენისა და ლიტერატურის წრის მასწავლებლად; ბათუმის პიონერთა და მოსწავლე - ახალგაზრდობის პარკის დირექტორის მოადგილედ, 1963 წლიდან გარდაცვალებამდე მუშაობდა საქართველოს მწერალთა კავშირის აჭარის ორგანიზაციასთან არსებულ ჟურნალ "ჭოროხის" სარედაქციო საბჭოში მხატვრულ რედაქტორად; 1992–1994წწ. მუშაობდა ქობულეთის რაიონის სოფელ გორგაძეების საშუალო სკოლაში მშობლიურ სოფელ ხალაში ქართული ენისა ლიტერატურის მასწავლებლად. 1961 წელს გამოვიდა პირველი წიგნი "ნედლი სალამური"; ავტორია პოეტური კრებულებისა: "დიდი თვალები" (1964), "ლირიკული პოემები" (1969), "ზღვიდან აკრეფილი კენჭები" (1970), "ლექსები" (1973), "ჩაღმა ჩაყრილო ვენახო" (1975),  "სინაზე" (1977), "ლირიკა" (1979), "მოფერება" (1984), "ხატიმამული (1995), "ოჰოი ნანა" (1997) და სხვა; ლექსების ძირითადი თემატიკაა სიყვარული, აჭარის ისტორიული წარსული და პოეტის მშობლიური კუთხის მკვიდრთა სულიერი სამყარო; მის სიცოცხლეში გამოიცა 16 წიგნი, ხოლო გარდაცვალების შემდეგ კი სამი წიგნი. 2008 წელს გორკის (შემდგომ იბერიის) ქუჩას მიენიჭა ზურაბ გორგილაძის სახელი. აჭარის უზენაესი საბჭოს ორი მოწვევის დეპუტატი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.94-95; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.149; კარგ ქართველთა საფლავები: geonecropol.ge

• 1997 - ღირსების ორდენი
• 1995 - საქართველოს მწერალთა კავშირის პრემია
• მემედ აბაშიძის სახელობის პრემია

• 100 ლექსი (ავტორი). - თბილისი, ინტელექტი, 2007. - 123გვ.. - ISBN: 9789994093106
• ხატიმამული : ლექსები (ავტორი). - ბათუმი, აჭარა, 2002. - 576გვ.
• ერთტომეული : ლექსები (ავტორი). - ბათუმი, გამ-ბა აჭარა, 1998. - 408გვ.
• შუადღე : ლექსები (ავტორი). - ბათუმი, საბჭ. აჭარა, 1988. - 271გვ.
• ნედლი სალამური : ლექსები (ავტორი). - ბათუმი, აჭარის სახელგამი , 1961. - 63გვ.