რუსუდან ნიკოლაძე-პოლიევქტოვი

დაბადების ადგილი: ქ. პეტერბურგი.

დაამთავრა პეტერბურგის ქალთა პედაგოგიური ინსტიტუტი 1909 წელს; პეტერბურგის უნივერსიტეტი 1913 წელს.

1909-1917წწ. მუშაობდა პეტერბურგის ქალთა პედაგოგიურ ინსტიტუტში. რუსეთის იმპერიაში პირველი ქალი, რომელმაც "საუნივერსიტეტო ნიშანი" მიიღო. შემდეგ მუშაობა განაგრძო თბილისის სახელმწიფო უნივერსიტეტსა და საქართველოს პოლიტექნიკური ინსტიტუტის არაორგანული და ზოგადი ქიმიის კათედრაზე. 1933-1974წწ. იყო ამ კათედრის გამგე. პროფესორი (1933).  იგი მუშაობდა არაორგანული ქიმიის საკითხებზე. ავტორია მრავალი სამეცნიერო, მეთოდური და მემუარული ნაშრომისა. 1970 წელს დ. გვარამაძესთან ერთად შეადგინა ქიმიის ტერმინოლოგია.

წყარო: მამულიშვილთა სავანე. - თბ., 1994. - გვ.292

• 1978 - გიორგი ნიკოლაძის სახელობის პრემია
• 1941 - საქართველოს მეცნიერებათა დამსახურებული მოღვაწე
• ლენინის ორდენი
• შრომის წითელი დროშის ორდენი

• ცხოვრების დიდ გზაზე : ნ. ნიკოლაძის ცხოვრება და შემოქმედება. - თბილისი, განათლება, 1975. - 280გვ.
• დაუვიწყარი დღეები და წუთები : მოგონებები ვ. ი. ლენინზე (ავტორი). - თბილისი, საქ. კპ ცკ-ის გამ-ბა, 1970. - 63გვ.
• ზოგადი და არაორგანული ქიმიის ქართული ნომენკლატურის სისტემა და მისი აგების პრინციპები (ავტორი). - თბილისი, სპი-ს გამ-ბა და სტ., 1955. - 94გვ.