ელენე მაჭავარიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1954 წელს.

 1958 წელს მუშაობდა ხელნაწერთა ინსტიტუტში უმცროს მეცნიერ თანამშრომლად; 1968 წელს ამავე ინსტიტუტის უფროს მეცნიერ-თანამშრომელად; 1988 - წამყვან მეცნიერ თანამშრომელად, 2004 - მეცნიერ-მკვლევარად. 2009 - ხელნაწერთა ეროვნული ცენტრის ხელოვნებათმცოდნეობის დეპარტამენტის მთავარ სპეციალისტად, საქართველოს მეცნიერებათა აკადემიის გ. ჩუბინაშვილის სახელობის ქართული ხელოვნების ისტორიის ინსტიტუტის თანამშრომელად; 1973-2004წწ. თბილისის სამხატვრო აკადემიაში ხელოვნების ისტორიისა და თეორიის კათედრის პედაგოგია. კითხულობდა ლექციების კურსს: "ხელნაწერი წიგნის მხატვრული მორთულობა", 2000- თბილისის სასულიერო აკადემიის ქრისტიანული ხელოვნებათმცოდნეობის ფაკულტეტის პედაგოგია, სალექციო კურსები: "ხელნაწერი წიგნის სამინიატურო ხელოვნება" და "ქართული დამწერლობა". შემდგომ მუშაობს ხელნაწერთა ეროვნულ ცენტრში. არის ქართულ-ბიზანტიური, ქართულ-სომხური ხელოვნების და ქართულ-ებრაული ურთიერთობებისადმი მიძღვნილი საერთაშორისო კონფერენციების, სიმპოზიუმებისა და კონგრესების მონაწილე. მუდმივად მუშაობდა ვენის, მოსკოვის, პეტერბურგის წიგნსაცავებში ქართულ და ბიზანტიურ მოხატულ ხელნაწერებზე; მოსკოვის ხელნაწერი წიგნის სარესტავრაციო განყოფილებებთან. არის 47 სამეცნიერო ნაშრომისა და 7 წიგნის ავტორი. მისი სამეცნიერო კვლევის სფეროა შუა საუკუნეების ხელნაწერი წიგნის გაფორმება, ასლების გადაღება ორნამენტებიდან, მინიატურებიდან, ძველი დამწერლობის წიგნებიდან. ხელოვნებათმცოდნე, ხელოვნებათმცოდნეობის დოქტორი, პროფესორი.

საკანდიდატო დისერტაციის თემა - "XII-XIIIსს. ქართულ და ბიზანტიურ მოხატულ ხელნაწერთა ურთიერთმიმართებისთვის", დაიცვა 1964; სადოქტორო დისერტაციის თემა - "XI-XIV სს. ქართული ოთხთავის სისტემა", დაიცვა 1987 წელს.

• გ. ჩუბინაშვილის სახელობის ქართული ხელოვნების ისტორიის ინსტიტუტის სადისერტაციო საბჭო, წევრი (1988-2006)
• თბილისის საერთაშორისო მასშტაბით გამართული I და II კონკურსები -"ქართული კალიგრაფია", ჟიურის წევრი (2010-2011)
• თბილისის საქალაქო მასშტაბით გამართული კონკურსი "ქართული კალიგრაფია", ჟიურის თავმჯდომარე (1995-)
• მხატვარ-კალიგრაფისტთა კავშირი, წევრი (2010-)
• საქართველოს ტექნიკური უნივერსიტეტის ჰუმანიტარულ-სოციალური ფაკულტეტის სადისერტაციო კოლეგია, წევრი (2006-)

• 2009 - პარნასის სიგელი
• 2009 - კორნელი კეკელიძის სახელობის პრემია
• 1970 - ივანე ფეოდოროვის სახელობის დიპლომი

• ქართული ხელნაწერები : დამწერლობისა და შემკულობის საკითხები (ავტორი). - თბილისი, საქ. მეცნ. ეროვნ. აკად. სტ., 2012. - 418გვ.. - ISBN: 978-9941-9198-7-9
• ქართული ანბანის გრაფიკული საფუძვლები (ავტორი). - თბილისი, ხელოვნება, 1982. - 107გვ.
• ქართული ანბანი : საქ. სსრ წიგნის მოყვარულთა ნებაყოფლობითი საზ-ბა (ავტორი). - თბილისი, განათლება, 1977. - 18გვ.