თამარ წუწუნავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის გეოლოგიის ფაკულტეტი 1982 წელს.

1983-1988წწ. - გეოლოგიის ინსტიტუტის პეტროლოგიის, მინერალოოგიისა და გეოქიმიის განყოფილების უმცროსი მეცნიერ-თანამშრომელი; 1989-1996წწ. - მეციერ თანამშრომელი; 1997-2008წწ. - პეტროლოგიის განყოფილების უფროსი მეცნიერ-თანამშრომელი; 2009 წლიდან - ალ. ჯანელიძის სახელობის გეოლოგიის ინსტიტუტის დირექტორი. იყო საქართველოს ტექნიკური უნივერსიტეტის მინერალოოგიის, პეტროლოგიის, და  გეოქიმიის  კათედრის პედაგოგი. ავტორია საერთაშორისო ჟურნალებში  გამოქვეყნებული 60-მდე სამეცნიერო ნაშრომისა, 1 დამხმარე სახელმძღვანელოსა და 1 მონოგრაფიის თანავტორი. გეოლოგია-მინერალოგიის მეცნიერებათა დოქტორი (2005).

საკანდიდატო დისერტაციის თემა - "კავკასიონის და აწგარის ტექტონიკური ზეწრის რეგიონული მეტამორფიზმის მწვანე ფიქლების ფაციესის მეტამორფიტების პეტროლოგია", დაიცვა 1989 წელს; სადოქტორო დისერტაციის თემა - "კავკასიის დაბალტემპერატურული რეგიონული მეტამორფიზმი", დაიცვა 2005 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.159

• პროფესიონალ ქალთა ასოციაცია, წევრი (2009-)
• საქართველოს ეროვნული სამეცნიერო ფონდის საბჭო, წევრი (2006-)
• საქართველოს მინერალოგიური საზოგადოება, სამეცნიერო საბჭოს წევრი
• საქართველოს საინჟინრო აკადემია, აკადემიკოსი (2008-)

• მეთოდური მითითებები ლაბორატორიული სამუშაოების შესასრულებლად მაგმური და მეტამორფული ქანმშენი მინერალების მიკროსკოპული კვლევისათვის (ავტორი). - თბილისი, ტექნ. უნ-ტის გამ-ბა, 1997. - 44გვ.