ნინო რამიშვილი

დაბადების ადგილი: ქ. თბილისი.

სწავლობდა პერინის საბალეტო სტუდიაში 1922-1927წწ.

1927 წელს ჩაირიცხა თბილისის ოპერისა და ბალეტის თეატრის კორდებალეტში; ასრულებდა პარტიებს ქართულ ოპერებში (ზ. ფალიაშვილის "აბესალომ და ეთერი", ბალანჩივაძის "დარეჯან ცბიერი", დოლიძის "ცისანა", არაყიშვილის "თქმულება შოთა რუსთაველზე"); 1936-1945წწ. საქართველოს ფილარმონიის ხალხური ცეკვის ანსამბლის წამყვანი მოცეკვავე; 1939-1941წწ. სსრკ შინსახკომის ანსამბლის სოლისტი; 1945-1972 წწ. საქართველოს ხალხური ცეკვის სახელმწიფო ანსამბლის წამყვანი მოცეკვავე, 1985 წლამდე ქორეოგრაფი და სამხატვრო ხელმძღვანელი (ი. სუხიშვილთან ერთად); ნ. რამიშვილის საშემსრულებლო ხელოვნებისთვის დამახასიათებელია მაღალი პროფესიული ოსტატობა, ქალური სინაზე და უბრალოება, ხელების განსაკუთრებული გამომსახველი მოძრაობა; არის ქართული ცეკვის ერთერთი საუკეთესო შემსრულებელი; მის მიერ შესრულებული ცეკვებია: "ჯეირანი", "მუხამბაზი", "მთიულური", "სამაია". მირებული აქვს ახალგაზრდობისა და სტუდენტების მეოთხე ფესტივალის ოქროს მედალი, რუმინეთის ოქროს ვარსკვლავის ორდენი. ბალეტმაისტერი.

წყარო: ქართული საბჭოთა ენციკლოპედია: ტ.8.-თბ.,1984.-გვ.299; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.137

• 2000 - ღირსების ორდენი
• 1993 - ღირსების ორდენი
• 1981 - თბილისის საპატიო მოქალაქე
• 1973 - შოთა რუსთაველის სახელობის სახელმწიფო პრემია
• 1952 - საქართველოს სახალხო არტისტი
• 1949 - სტალინური პრემია
• 1936 - სსრკ სახალხო არტისტი
• ლენინის ორდენი

• სამშობლოს სახელით : მოკლე მიმოხილვა (თანაავტორი). - თბილისი, საბჭ. საქართველო, 1961. - 53გვ.