მურმან ცეცხლაძე

დაბადების ადგილი: სოფელი ჩაო, ხულოს რაიონი.

დაამთავრა საქართველოს პოლიტექნიკური ინსტიტუტის ავტომექანიკური ფაკულტეტი და ამავე ინსტიტუტის საზოგადოებრივ პროფესიათა ფაკულტეტი ჟურნალისტიკის სპეციალობით 1979 წელს. 

1979-1995წწ. მუშაობდა ავტოკოლონა 2655-ში მექანიკოსად, უფროს ინჟინრად, უფროს ეკონომისტად, მთავარ ბუღალტრად. 1992 წლიდან შეთავსებით, 1996 წლიდან კი მუშაობს ბათუმის შოთა რუსთაველის  სახელმწიფო უნივერსიტეტში მასწავლებლად, უფროს მასწავლებლად, 2000 წლიდან დოცენტად, 2006 წლიდან კი ასოცირებულ პროფესორად.  2001-2003წწ., 2007-2011წწ. შეთავსებით მუშაობდა ბათუმის საზღვაო აკადემიაში ჯერ დოცენტად, შემდეგ მოწვეულ დოქტორად. 2006-2007წწ. შპს "მერკურის", ხოლო 2007-2009წწ. შპს "ოცნების" ფინანსურ მენეჯერად; 1976 წლიდან სისტემატურად აქვეყნებს საქართველოს სხვადასხვა ჟურნალ-გაზეთებში: "ლიტერატურული საქართველო", "საუნჯე", "ცისკარი", "განთიადი", "ჭოროხი", "ლიტერატურული აჭარა", "ნობათი", "აჭარა", "რტონი", "აღორძინება", "კახაბერი" მხატვრულ ნაწარმოებებს, სამეურნეო და საზოგადოებრივი ხასიათის წერილებს, მხატვრულ თარგმანებს.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.121

• რელიგია და ეკონომიკა : მონოგრაფია (ავტორი). - ბათუმი, შოთა რუსთაველის სახელმწიფო უნივერსიტეტი, 2010. - 264გვ.. - ISBN: 978-9941-412-03-5
• ცეკვა ყინულზე : მოთხრობა (მთარგმნელი) // ცეკვა ყინულზე. - ბათუმი, ლაზარე, 2009. - გვ.135-234. - ISBN: 978-99940-803-2-8
• მოთხრობები (მთარგმნელი). - ბათუმი, ლაზარე, 2009. - 236გვ.. - ISBN: 978-99940-803-2-8
• მარადიული სიმფონია : ლექსები (ავტორი). - ბათუმი, სს გამომცემლობა აჭარა, 1998. - 98გვ.
• მე და შენ : ლექსები (თანაავტორი). - ბათუმი, ანაშხალი, 1993. - 80გვ.