ჟუჟუნა შაინიძე

დაბადების ადგილი: სოფელი რაქვთა, ხულოს რაიონი.

დაამთავრა ბათუმის შოთა რუსთაველის სახელმწიფო პედაგოგიური ინსტიტუტი 1984 წელს.

1979 წლიდან  პერიოდულად იბეჭდება სხვადასხვა გამოცემებში: "ლიტერატურული საქართველო", "ცისკარი",  "განთიადი", "ჩვენი მწერლობა", "ენიგმა", "ენა და კულტურა" და სხვ. ავტორია ლექსთა კრებულებისა: "ლურჯი ბალახი" (1989), "მე და შენ" (1993), "კრიალოსანი" (1997), "იების მთვარე" (2000), "მზებუდობა" (2000), "უკვდავების ყვავილი" (რომანი, მოთხრობები, ლიტერატურულ-კრიტიკული წერილები, 2004), "გრამატიკა თევზებისათვის" (2014), "ვინ-მე-არა-ვინ" (2019). მისი ნაწარმოებები თარგმნილია რუსულ ენაზე. ავტორია ოცზე მეტი სამეცნიერო სტატიისა, არის 4 პოეტური კრებულის ავტორი და ათზე მეტი გამოცემის თანაავტორი. მისი ლექსები შეტანილია უახლესი ქართული პოეზიის ანთოლოგიაში. რამდენიმე მათგანზე შექმნილია სიმღერები. 1992-1993წწ. გამოცემული აქვს არაერთი წიგნი, მათ შორის მეტად საინტერესო მონოგრაფიები: "ყველაფერი და არაფერი" (პოეტ ზურაბ გორგილაძის ცხოვრებისა და შემოქმედების ამსახველი, 2016) და "იმ დიდი სახლის მახსოვს ასული" (მხატვრულ - დოკუმენტური მატიანე, 2011). სხვადასხვა დროს მუშაობდა: ხელვაჩაურის რაიკოოპერატივში სხვადასხვა თანამდებობაზე; ხელვაჩაურის რაიონის პიონერთა სახლის მეთოდისტად და სხვადასხვა წრის ხელმძღვანელად; ხელვაჩაურის რაიონული გაზეთის რედაქციაში კორესპონდენტად; იყო ახალგაზრდა მწერალთა ორგანიზაცია "ანაშხალის" პრეზიდენტი და ამავე სახელწოდების გაზეთის მთავარი რედაქტორი; ხელვაჩაურის სამედიცინო სასწავლებლის მთავარი სპეციალისტი და ქართული ენის მასწავლებელი, საქართველოს მწერალთა კავშირის აჭარის ორგანიზაციის კონსულტანტი, ბათუმის ერთაშორისი ინსტიტუტის - "მეგობრობის" - ჟურნალისტიკის ფაკულტეტის უფროსი მასწავლებელი; გამომცემლობა "ლაზარეს" მთავარი რედაქტორი. ამჟამად, მიწვეული პროფესორია გრიგოლ რობაქიძის სახელობის უნივერსიტეტის ბათუმის წარმომადგენლობაში. მუშაობდა საქართველოს მწერალთა კავშირის აჭარის ორგანიზაციაში კონსულტანტად, ახალგაზრდა მწერალთა სექციის ხელმძღვანელად. 2012 წელს მიენიჭა ფილოლოგიის აკადემიური დოქტორის ხარისხი.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.85

• ბათუმის მწერალთა გაერთიანება "ანაშხალი", დამაარსებელი (1992-)
• საქართველოს მწერალთა კავშირი, წევრი (2004-)

• ლევან გელაძის სახელობის პრემია
• ზურაბ გორგილაძის სახელობის პრემია

• ავტოგრაფი : ანთოლოგია : აჭარაში მოღვაწე პოეტ ქალთა რჩეული ლექსები (თანაავტორი). - ბათუმი, 2023. - 11-128გვ.. - ISBN: 9789941500299
• პოეტი მებადურთა გვარიდან : ლადო სეიდიშვილი - მზერა მომავლის მზეში : ლიტერატურული ცდა (ავტორი). - თბილისი, ივერიონი, 2020. - 175გვ.. - ISBN: 9789941821783
• ვინ-მე არა-ვინ : ლექსები (ავტორი). - ბათუმი, აჭარის მწერალთა სახლი, 2019. - 200გვ.. - ISBN: 9789941965821
• ყველაფერი და არაფერი : სულის ბიოგრაფია : ლიტერატურული ცდა : მონოგრაფია პოეტ ზურაბ გორგილაძეზე (ავტორი). - ბათუმი, ლაზარე+, 2016. - 316გვ.. - ISBN: 9789941924477
• გრამატიკა თევზებისათვის : ლექსები (ავტორი). - ბათუმი, ს.ს. "გამომცემლობა აჭარა", 2014. - 127გვ.. - ISBN: 9789994021376
• უკვდავების ყვავილი : რომანი; მოთხრობები (ავტორი). - ბათუმი, აჭარა, 2004. - 142გვ.. - ISBN: 99940-21-20-6
• იების მთვარე : ლექსები და პოემები (ავტორი). - ბათუმი, აჭარა, 2000. - 135გვ.. - ISBN: 9992844337
• კრიალოსანი : ლექსები (ავტორი). - ბათუმი, აჭარა, 1997. - 68გვ.
• მე და შენ : ლექსები (თანაავტორი). - ბათუმი, ანაშხალი, 1993. - 80გვ.
• ლურჯი ბალახი : ლექსები (ავტორი). - ბათუმი, საბჭ. საქართველო, 1989. - 299გვ.