რევაზ ნათაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი ფსიქოლოგიის განხრით 1927 წელს.

მუშაობა იქვე, ფსიქოლოგიის კათედრაზე დაიწყო. 1950 წლიდან იყო ამ კათედრის უცვლელი ხელმძღვანელი, პარალელურად მუშაობდა სხვა სახელმწიფო დაწესებულებებშიც: ფსიქოტექნიკური ლაბორატორიის გამგედ, სატრანსპორტო ფსიქოტექნიკური ლაბორატორიის სამეცნიერო ხელმძღვანელად, პედაგოგიკის სამეცნიერო-კვლევით ინსტიტუტში ფსიქოლოგიის სექტორის გამგედ, გენეტიკური ფსიქოლოგიის განყოფილების გამგედ ფსიქოლოგიის ინსტიტუტში. ეწეოდა პედაგოგიურ მუშაობას სხვადასხვა უმაღლეს სასწავლებელში. მისი მრავალმხრივი ნაშრომები ითარგმნა და გამოქვეყნდა აშშ-ში, ინგლისში, საფრანგეთში, იტალიაში, გერმანიაში, უნგრეთში. რ. ნათაძის კვლევა-ძიების ძირითადი მიმართულებებია: ცნების ჩამოყალიბების ფსიქოლოგია და მისი ონტოგენოზი, სივრცის მიმართულებათა აღქმის ძირითადი ფაქტორების პრობლემა, წარმოსახვითი განწყობის შემუშავება, აღქმის კონსტანტობის ფსიქიკური საფუძვლები, სასცენო გარდასახვის ფსიქოლოგიური საფუძვლების პრობლემა და სხვა. არის ფსიქოლოგიის მრავალი სახელმძღვანელოს ავტორი. 

წყარო: ქართული საბჭოთა ენციკლოპედია: ტ.7.-თბ.,1984.-გვ.298

• საქართველოს სსრ მეცნიერებათა აკადემია, აკადემიკოსი (1969-)
• საქართველოს ფსიქოლოგთა საზოგადოება, პრეზიდენტი (1964-1974)

• 1951 - საქართველოს მეცნიერებათა დამსახურებული მოღვაწე

• ზოგადი ფსიქოლოგია : სახელმძღვ. სტუდ. (ავტორი). - თბილისი, სახ. უნ-ტის გამ-ბა, 1986. - 661გვ.
• ფსიქოლოგიის მოკლე კურსი : სახელმძღვ. სტუდენტებისათვის (ავტორი). - თბილისი, თბილ. უნ-ტის გამ-ბა, 1983. - 358გვ.
• მეხსიერება (ავტორი). - თბილისი, საქ. მეცნ. აკად. გამ-ბა, 1963. - 96გვ.
• წარმოსახვის განმაწყობელი მოქმედება (ავტორი). - თბილისი, საქ. სსრ მეცნ. აკად. გამ-ბა, 1958. - 208გვ.
• რა არის სიზმარი? (ავტორი). - თბილისი, სახელგამი, 1948. - 78გვ.