ალექსანდრე ფრანგიშვილი

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტი 1927 წელს.

1927 წელს დაიწყო მუშაობა ფსიქოლოგიისა და პედაგოგიკის მასწავლებლად ქ. თელავის პედაგოგიურ ტექნიკუმში. მალე გადაიყვანეს კახეთის რაიონის სახალხო განათლების ხელმძღვანელ მუშკად, შემდგომ კი ქუთაისის პედაგოგიურ ინსტიტუტში ფსიქოლოგიისა და პედაგოგიკის ლექტორად. 1937-1941წწ. მუშაობდა განათლების კომისარიატთან არსებულ თბილისის პედაგოგიური მეცნიერების საკვლევო ინსტიტუტში; 1941 წლიდან იყო საქართველოს სსრ მეცნიერებათა აკადემიის ფსიქოლოგიის სექტორის სწავლული მდივანი, ხოლო სექტორის ინსტიტუტად გადაკეთების შემდეგ - დირექტორის მოადგილე (1943-1950); 1950-1985წწ. ფსიქოლოგიის ინსტიტუტის დირექტორი; 1971 წელს აირჩიეს სსრკ ფსიქოლოგთა საზოგადოების IV ყრილობის პრეზიდენტად. თავისი მეცნიერული მუშაობის პროცესში მან დაამუშავა მეცნიერული გამოკვლევის რამდენიმე ციკლი, რომელსაც დიდი მნიშვნელობა აქვს ადამიანის ფსიქოლოგიური აქტივობის გაგებისა და ახსნისათვის. მისი დახმარებით განწყობის თეორია იქცა საბჭოთა ფსიქოლოგიის ერთ-ერთ ძირითად მიმდინარეობად, რომლის მიღწევები დღეს ფართოდაა ცნობილი სხვადასხვა ქვეყნის ფსიქოლოგთა სამეცნიერო ცენტრებში. მან პირველმა შეისწავლა ქართული ენის ფსიქოლოგია და საქართველოში ფსიქოლოგიური ცოდნის ისტორია. მისი რედაქტორობით გამოვიდა დ. უზნაძის სახელობის ფსიქოლოგიური ინსტიტუტის შრომები (15 ტომი). საქართველოს სსრ XI მოწვევის უმაღლესიო საბჭოს დეპუტატი (1985), ფსიქოლოგიის მეცნიერებათა დოქტორი (1958), პროფესორი (1958).

წყარო: ქართული საბჭოთა ენციკლოპედია: ტ.10-თბ., 1986.-გვ.389

• საქართველოს მეცნიერებათა დამსახურებული მოღვაწე (1961-)
• საქართველოს სსრ მეცნიერებათა აკადემია, ვიცე-პრეზიდენტი (1976-1989)
• საქართველოს სსრ მეცნიერებათა აკადემია, აკადემიკოსი (1974-1989)

• 1981 - ოქტომბრის რევოლუციის ორდენი
• 1979 - ლენინის ორდენი
• 1961 - საქართველოს მეცნიერებათა დამსახურებული მოღვაწე
• 1954 - შრომის წითელი დროშის ორდენი

• ფსიქოლოგიური ნარკვევები (ავტორი). - თბილისი, მეცნიერება, 1987. - 194გვ.
• სწავლის ფსიქოლოგიის საკითხები : სახელმძღვ. პედ. ინ-ტის სტუდენტებისათვის (ავტორი). - თბილისი, განათლება, 1969. - 138გვ.
• ნარკვევები ადამიანის ფსიქოლოგიური ცოდნის ისტორიიდან საქართველოში : XVII-XVIII სს. და XIX ს. დასაწყისი (ავტორი). - თბილისი, საქ. სსრ მეცნ. აკად. გამ-ბა, 1959. - 484გვ.
• მეხსიერების ფსიქოლოგიისათვის : მოგონებაში დარწმუნებულობის საფუძვლების პრობლემა თანამედროვე ფსიქოლოგიაში (ავტორი). - თბილისი, საქართველოს სსრ განსახკომის დაწყებითი და საშუალო სკოლის სახელმწიფო სამეცნიერო-საკვლევო ინსტიტუტი, 1941. - 144გვ.