ივანე ვერულაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს; თბილისის ილია ჭავჭავაძის სახელობის უცხო ენათა პედაგოგიური ინსტიტუტი ინგლისური ენის სპეციალობით 1980 წელს.

1974–1977წწ. იყო N2 სამედიცინო სასწავლებლის პედაგოგი; 1976–1979წწ. მუშაობდა რესპუბლიკური კლინიკური საავადმყოფოს საკონსულტაციო პოლიკლინიკაში; იყო რესპუბლიკური კლინიკური საავადმყოფოს ნერვულ სნეულებათა განყოფილების ორდინატორი; 1979–1990წწ. თბილისის სახელმწიფო სამედიცინო უნივერსიტეტის სამკურნალო ფაკულტეტის ნერვულ სნეულებათა კათედრის პედაგოგი; 1991 წლიდან თბილისის სახელმწიფო სამედიცინო უნივერსიტეტის სამკურნალო ფაკულტეტის ნერვულ სნეულებათა კათედრის ასისტენტი; 1992–1993წწ. მუშაობდა კარადენიზის(თურქეთი) ტექნიკური უნივერსიტეტის სამკურნალო ფაკულტეტის ნერვულ სნეულებათა კათედრაზე. 1974 წლიდან დღემდე მუშაობს ნ. ყიფშიძის სახელობის ცენტრალური საუნივერსიტეტო კლინიკის(რესპუბლიკური საავადმყოფო) ნერვულ სნეულებათა დეპარტამენტში: კლინიკურ ორდინატორად, ექიმ-ნევროპათოლოგად, ნერვულ სნეულებათა დეპარტამენტის ხელმძღვანელად. არის 6 მონოგრაფიის, 5 სახელმძღვანელოს, 1 გამოგონების("მიოფასციური ტკივილითი სინდრომების მკურნალობის ხერხი") და 118 სამეცნიერო ნაშრომის ავტორი. 

საკანდიდატო დისერტაციის თემა - "ნეიროენდოკრინული სისტემის ფუნქციური მდგომარეობა არტერიულ ჰიპერტენზიით განპირობებული ცერებროვასკულური პათოლოგიის დროს", დაიცვა 1990 წელს.

სადოქტორო დისერტაციის თემა - "ადაპტაციური მექანიზმების მულტისისტემური დახასიათება თავის ტვინში სისხლის მიმოქცევის მწვავე მოშლის დროს", დაიცვა 1995 წელს.

 წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.105

• ევროპის ნევროლოგთა საზოგადოება, ნამდვილი წევრი
• თბილისის სახელმწიფო სამედიცინო უნივერსიტეტის სადისერტაციო საბჭო, წევრი
• ნიუ–იორკის სამედიცინო აკადემია, ნამდვილი წევრი
• საკანდიდატო მინიმუმის საატესტაციო კომისია(ნევროლოგია), წევრი

• 1994 - საპატენტო სიგელი, "მიოკარდიული ტკივილითი სინდრომების მკურნალობის ხერხი" – პრიორიტეტი (8 წლის ვადით)

• ნევროლოგია : პროპედევტიკა და ტოპიკური დიაგნოსტიკა : სახელმძღვ. უმაღლ. სამედ. სასწავლებლებისათვის (ავტორი). - თბილისი, აისი, 2012. - 272გვ.
• ასაკი და ორგანიზმის ბიოლოგიური საათი : ქართ. და რუს. ენ. (ავტორი). - თბილისი, ფონდი ტასო, 2008. - 259გვ.. - ISBN: 978-9941-0-0246-5
• გვირაბული სინდრომების მკურნალობა : მონოგრაფია (ავტორი). - თბილისი, შემოქმედი, 1996. - 128გვ.