რევაზ თათარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1975 წელს.

1975–1976წწ. იყო რესპუბლიკური ცენტრალური კლინიკური საავადმყოფოს ექიმი–ინტერნი; 1976–1987წწ. შრომის ჰიგიენისა და პროფესიულ დაავადებათა სამეცნიერო კვლევითი ინსტიტუტის ექიმი–ორდინატორი, უმცროსი მეცნიერ–თანამშრომელი, უფროსი მეცნიერ–თანამშრომელი; 1987 წლიდან  თბილისის სახელმწიფო სამედიცინო უნივერსიტეტის შინაგან სნეულებათა N3 კათედრის დოცენტი; 1993–1995წწ. ნატერსის(ავსტრია) პულმონოლოგიური კლინიკის ექიმი სტაჟიორი. ავტორია 75 სამეცნიერო ნაშრომის, რომლებიც ეხება გულ–სისხლძარღვთა სისტემის დაავადებების ეპიდემიოლოგიას. ექიმი–თერაპევტი, კარდიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "გულის იშემიური დაავადების ეპიდემიოლოგია და გულ–სისხლძარღვთა სისტემის ფუნქციური მდგომარეობა თამბაქოს მრეწველობის მუშაკებში", დაიცვა 1985 წელს.

  წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.115

• ამერიკის ოჯახის ექიმთა აკადემია, წევრი
• აშშ არასამთავრობო ორგანიზაცია "ACTS Georgia" – სამედიცინო პროგრამა, კოორდინატორი
• საქართველოს ექიმთა ასოციაცია, ვიცე–პრეზიდენტი
• საქართველოს ოჯახის ექიმთა ასოციაციის გამგეობა, წევრი

• ექიმის პროფესიული საქმიანობის წესები (თანაავტორი). - თბილისი, 2011. - 41გვ.. - ISBN: 978-9941-0-4231-7
• საკვების უსაფრთხოების ელემენტები : არაგადამდებ დაავადებათა ინტეგრალური პრევენციისა და კონტროლის პოტენციალის გაძლიერება : საკვებზე დაფუძნებული დიეტური გზამკვლევის სადისემინაციო პაკეტი (თანაავტორი). - თბილისი, შპს "სიტყვა", 2007. - 18გვ.. - ISBN: 978-9941-0-0445-2