ციალა თოხაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1941–1946წწ. იყო საფაკულტეტი პედიატრიის კათედრის ორდინატორი; 1949–1951წწ. დედათა და ბავშვთა ჯანდაცვის სამეცნიერო კვლევითი ინსტიტუტის ბავშვთა კლინიკის ორდინატორი; 1951–1960წწ. ახალშობილთა განყოფილების მეცნიერ–თანამშრომელი; 1961–1962წწ. პედიატრიის სამეცნიერო კვლევითი ინსტიტუტის ბავშვთა კვების განყოფილების ხელმძღვანელი; 1962–1967წწ. კლინიკური განყოფილების უფროსი მეცნიერ–თანამშრომელი; 1968–1980წწ. ახალშობილთა ფიზიოლოგიისა და პათოლოგიის განყოფილების ხელმძღვანელი; 1981–1992წწ. საორგანიზაციო მეთოდური განყოფილების გამგე. ავტორია 66 სამეცნიერო ნაშრომისა დედისა და ნაყოფის ურთიერთკავშირის პრობლემებზე. გამოქვეყნებული აქვს სამეცნიერო–პრაქტიკული ხასიათის 2 მეთოდური წერილი(1973; 1975). მიღებული აქვს შრომის დამკვრელის საპატიო წოდების მედალი (1980) და ექიმ–პედიატრის უმაღლესი საკვალიფიკაციო წოდება.

საკანდიდატო დისერტაციის თემა - "ზოგიერთი ფერმენტული სისტემის აქტივობის საკითხისათვის ახალშობილთა სისხლში კვების სიხშირესთან დაკავშირებით", დაიცვა 1959 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.125

• პერინატოლოგთა და ნეონატოლოგთა საერთაშორისო ასოციაცია, საპატიო წევრი
• საქართველოს პედიატრთა სამეცნიერო საზოგადოება, წევრი

• 1983 - შრომის ვეტერანის მედალი
• 1970 - მედალი "უანგარო შრომისთვის"

• რა უნდა ვიცოდეთ ადრეული ასაკის ბავშვის მოვლისა და აღზრდის შესახებ (თანაავტორი). - თბილისი, საბჭ. საქართველო, 1990. - 25გვ.
• რა უნდა იცოდეს მომავალმა დედამ (ავტორი). - თბილისი, საბჭ. საქართველო, 1977. - 11გვ.