დავით გორდელაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1969–1972წწ. იყო საქართველოს სსრ ალ. ნათიშვილის სახელობის ექსპერიმენტული მორფოლოგიის ინსტიტუტის ასპირანტი; 1972–1975წწ. ციტოლოგიის განყოფილების უმცროსი მეცნიერ–თანამშრომელი; 1975–1980წწ. თბილისის პირველი კლინიკური საავადმყოფოს მეორე თერაპიული განყოფილების მორიგე ექიმი–თერაპევტი; 1980–1990წწ. თბილისის სახელმწიფო სამედიცინო ინსტიტუტის სამკურნალო ფაკულტეტის შინაგან დაავადებათა პროპედევტიკის კათედრის ასისტენტი; 1990–1995წწ. დოცენტი; 1995–1997წწ. პროფესორი; 2000-2005წწ. ივანე ჯავახიშვილის სახელობის თბილისის სახელმწიფო უნივერსიტეტში აღდგენილი მედიცინის ფაკულტეტის პირველი დეკანი, 1998-2006წწ. ამავე უნივერსიტეტის შინაგან დაავადებათა კათედრის გამგე. 2003-2012წწ. ქალაქის პირველი კლინიკური საავადმყოფოს "ზოგადთერაპიული კლინიკის" პროფესორი; 2012 წლიდან შპს "ამტელ ჰოსპიტალ პირველი კლინიკური" თერაპიული და კარდიოლოგიური დეპარტამენტის პროფესორი; 2013 წლიდან თერაპიული სამსახურის უფროსი. ავტორია 3 გამოგონების და 84 სამეცნიერო ნაშრომის, რომლებიც ეხება გულის კუნთის მორფოლოგიას, ჰეპატოლოგიას, მინერალურ ცვლას, ლაზეროთერაპიას, თერაპიის სწავლების მეთოდოლოგიას. გამოცემული აქვს მონოგრაფია: "გულის მორფოლოგია სიკვდილის სხვადასხვა მექანიზმის დროს" (1976); 1983-1988წწ. სამი სამეურნეო-ხელშეკრულებითი სამეცნიერო თემის ხელმძღვანელი; არის რამდენიმე საკანდიდატო და სადოქტორო სადისერტაციო ნაშრომის ხელმძღვანელი, ოპონენტი და რეცენზენტი; მისი ხელმძღვანელობით ივანე ჯავახიშვილის სახელობის თბილისის სახელმწიფო უნივერსიტეტში 2002-2004წწ. სამედიცინო ფაკულტეტზე გაიხსნა ჯანდაცვის მეცნიერებათა მაგისტრატურა; პირველმა წაიკითხა სამედიცინო სამართლის ლექციები ამავე უნივერსიტეტის იურიდიულ ფაკულტეტზე; არის თერაპიული მიმართულების კლინიკური მდგომარეობების მართვის 7 სახელმწიფო სტანდარტის (პროტოკოლის) ავტორი. არის ექიმი–თერაპევტი, მედიცინის მეცნიერებათა დოქტორი.

საკანდიდატო დისერტაციის თემა - "მიოკარდიუმის მორფოლოგიური ცვლილებები სიკვდილის სხვადასხვა მექანიზმის დროს ექსპერიმენტში", დაიცვა 1973 წელს.

სადოქტორო დისერტაციის თემა - "მინერალური ცვლის დარღვევის ექსპერტ–დიაგნოსტიკა, პროფილაქტიკა და მკურნალობა ექსტრემალურ პირობებში ღვიძლის ქრონიკული დაავადებების დროს", დაიცვა 1993 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.78; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.66

• "სამკურნალო პრეპარატები საქართველოში" ცნობარი ვიდალის 5 გამოცემის სამეცნიერო - ეთიკური კომიტეტი, "ფარმინფორმი", წევრი (2003-2012)
• დიპლომის შემდგომი განათლების და უწყვეტი პროფესიული განვითარების საბჭო, წევრი (2003-2006)
• ზოგადი პრაქტიკისა და ოჯახის ექიმთა ასოციაცია, ვიცე–პრეზიდენტი
• საქართველოს თერაპევტთა ასოციაცია, პრეზიდენტი (2004-)
• საქართველოს პარლამენტის ჯანდაცვის ქვეკომიტეტი, სწავლული ექსპერტი
• საქართველოს საბუნებისმეტყველო აკადემია, აკადემიკოსი (2000-)
• სახელმწიფო საექიმო საკვალიფიკაციო გამოცდების კომისია, წევრი (2000-2012)
• უმაღლესი და საშუალო სამედიცინო და ფარმაცევტული პერსონალისათვის სახელმწიფო სერთიფიკატის მიმნიჭებელი საბჭო, წევრი (2003-2006)
• შსს საზოგადოებრივი აზრის ინსტიტუტი, წევრი

• 1999 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის

• ბიოეთიკა და სამედიცინო სამართალი = Bioethics and medical law (თანაავტორი). - თბილისი, თბილ. უნ-ტის გამ-ბა, 2005. - 43გვ.. - ISBN: 99940-38-13-3
• შინაგანი მედიცინა : შინაგან დაავადებათა პროპედევტიკა, შინაგანი დაავადებები, სამხედრო საველე თერაპია : (მედიცინის ფაკ-ტის სტუდ.-თვის) (რედაქტორი). - თბილისი, თბილ. უნ-ტის გამ-ბა, 2001. - 30გვ.
• მედიცინის და ბიოლოგიის აქტუალური საკითხები : ქალაქის 1-ლი კლინიკ. საავადმყოფოს დაარსებიდან 100 წლისთავისადმი მიძღვნილი საერთაშ. სამეც.-პრაქტ. კონფ. მასალები (რედაქტორი). - თბილისი, 1998. - 164გვ.
• შინაგან დავადებათა პროპედევტიკა : სახელმძღვ. სამედ. ინ-ტის სტუდენტებისათვის (რედაქტორი) // ნაწ. 2. - თბილისი, მედეა, 1995. - 551გვ.
• კლინიკური ამოცანები შინაგან დაავადებათა პროპედევტიკაში : სასწავლო - მეთოდური სახელმძღვანელო მე-3 კურსის სტუდენტებისთვის (ავტორი). - თბილისი, 1988. - 32გვ.