არჩილ ასათიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1956 წელს და ასპირანტურა 1960 წელს.

ეწეოდა სამეცნიერო-პედაგოგიურ მოღვაწეობას: 1957–1960წწ. თსი-ის ადამიანის ნორმალური ფიზიოლოგიის კათედრის ასპირანტი;  ნორმალური ფიზიოლოგიის კათედრის  ასისტენტად, შემდეგ დოცენტი; 1973–1987წწ. იყო თბილისის სახელმწიფო სამედიცინო ინსტიტუტის ნორმალური ფიზიოლოგიის კათედრის პროფესორი; 1987–2004წწ. ამავე კათედრის გამგე; 1975–1985წწ. იყო თბილისის სახელმწიფო სამედიცინო ინსტიტუტის პრორექტორი სამეცნიერო მუშაობის დარგში; 1985–1991წწ. ამავე ინსტიტუტის რექტორი; 1999-2004წწ. საქართველოს მე-5 მოწვევის პარლამენტის წევრი პარტიული სიით,ბლოკი "საქართველოს აღორძინება, სამოქალაქო ინტეგრაციის კომიტეტის, ჯანმრთელობის დაცვისა და სოციალურ საკითხთა კომიტეტის წევრი; ავტორია ასზე მეტი სამეცნიერო ნაშრომის, ასევე ერთი მონოგრაფიისა: "კვებითი მოქმედების ნეირო–ჰუმორული მექნიზმები"; მისი ხელმძღვანელობით  დაცულია საკანდიდატო და სადოქტორო დისერტაციები. ექიმი–ფიზიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა -"თავის ტვინის ღეროს როლი კუჭის სეკრეციული მოქმედების რეგულაციაში", დაიცვა  1963 წელს.

სადოქტორო დისერტაციის თემა - "კვებითი მოქმედების ნეირო–ჰუმორული მექანიზმები", დაიცვა 1972 წელს.   

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.20; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 72; საქართველოს პარლამენტის ვებგვერდი: parliament.ge

• საქართველოს მეცნიერებათა აკადემია, წევრ-კორესპონდენტი (1979-)
• საქართველოს ფიზიოლოგთა კავშირი, წევრი
• საქართველოს მე-5 მოწვევის პარლამენტი, წევრი (1999-2004)

• ღირსების ორდენი

• ადამიანის ფიზიოლოგია : სახელმძღვ. უმაღლ. სამედ. სასწ. სტუდ. (შემდგენელი). - თბილისი, 2008. - 444გვ.. - ISBN: 978-9941-0-0524-4
• სამედიცინო ფიზიკა და ბიოფიზიკა (თანაავტორი). - თბილისი, 2007. - 197გვ.. - ISBN: 99928-63-88-9
• სამედიცინო და ბიოლოგიური ფიზიკა : სახელმძღვ. (რედაქტორი) // ნაწ. 2. - თბილისი, 2002. - 203გვ.
• სამედიცინო და ბიოლოგიური ფიზიკა : სახელმძღვ. (რედაქტორი) // ნაწ. 1. - თბილისი, 2002. - 165გვ.