ნინო კიკაბიძე

დაბადების ადგილი: ქ. სამტრედია.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1931 წელს.

1931–1933წწ. იყო თბილისის მეშვიდე დისპანსერული გაერთიანების ქირურგი; 1934–1941წწ. ცენტრალური რესპუბლიკური საავადმყოფოს ორთოპედ–ტრავმატოლოგიური განყოფილების ორდინატორი; 1941–1946წწ. მსახურობდა საბჭოთა არმიის რიგებში – სამხედრო ჰოსპიტლის განყოფილების გამგედ, ამიერკავკასიის ფრონტის ადგილობრივი 195–ე ევაკოპუნქტის უფროს ინსტრუქტორად; 1946–1978წწ. ტრავმატოლოგიისა და ორთოპედიის სამეცნიერო ცენტრის თანამშრომელი, უმცროსი მეცნიერ–თანამშრომელი, უფროსი მეცნიერ–თანამშრომელი და განყოფილების ხელმძღვანელი; 1978 წლიდან არის სამეცნიერო ცენტრის პოლიკლინიკის ექიმი. ავტორია 54 სამეცნიერო ნაშრომის, გამოქვეყნებული აქვს მონოგრაფია. ოცი წლის განმავლობაში იყო საქართველოს ტრავმატოლოგ–ორთოპედთა სამეცნიერო საზოგადოების მდივანი ხოლო შემდეგ ამავე საზოგადოების საპატიო წევრი; პირველი ქართველი ორთოპედ–ტრავმატოლოგი ქალი, მან პიველმა გააკეთა ბარძაყის ძვლის დიაფიზის და ბარძაყის ყელის მეტალო–ოსტეოსინთეზი.

საკანდიდატო დისერტაციის თემა - "მენჯ–ბარძაყის სახსრის თანდაყოლილი ამოვარდნილობის მკურნალობა", დაიცვა 1962 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.152

• საქართველოს ტრავმატოლოგ–ორთოპედთა სამეცნიერო საზოგადოება, საპატიო წევრი

• 1985 - საქართველოს დამსახურებული ექიმი
• 1985 - სამამულო ომის II ხარისხის ორდენი
• 1979 - შრომის ვეტერანი
• 1970 - მედალი "შრომითი მამაცობისთვის"
• 1952 - მედალი "ჯანმრთელობის დაცვის ფრიადოსანი"
• 1945 - მედალი "გერმანიაზე გამარჯვებისთვის"

• მენჯ-ბარძაყის სახსრის თანდაყოლილი ამოვარდნილობის მკურნალობა. (ავტორი). - თბილისი, საბჭ. საქართველო, 1961. - 166გვ.