გურამ კიკნაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.

1965–1967წწ. იყო ლიკანის საავადმყოფოში ექიმ-ორდინატორი; 1967-1971წწ. თერაპიის სამეცნიერო კვლევითი ინსტიტუტის მეცნიერ-თანამშრომელი; 1971 წლიდან - თბილისის სახელმწიფო უნივერსიტეტის შინაგან სნეულებათა კათედრის ჯერ ასისტენტი, შემდეგ დოცენტი, ხოლო 1995-2000წწ. კათედრის პროფესორი. 1995 წლიდან იგი არის საქართველოს ჯანმრთელობის დაცვის მართვის ნაციონალური ცენტრის ჯანმრთელობის დაცვის კანონმდებლობისა და ბიოეთიკის სამსახურის უფროსი, ხოლო 2001 წლიდან თბილისის სახელმწიფო სამედიცინო აკადემიის საოჯახო მედიცინის ფაკულტეტის დეკანი. არის  სამეცნიერო ნაშრომების, 6 მონოგრაფიის ავტორი (კარდიოლოგია, ბიოეთიკა, ჯანმრთელობის დაცვის სამართლებრივი საკითხები), გამოქვეყნებული აქვს 60 ნაშრომი კლინიკურ და ექსპერიმენტული მედიცინის სფეროში, 12 სტატია ადამიანის უფლებების შესახებ ჯანდაცვის სფეროში, 20-მდე დასახელების ბროშურა სამედიცინო პერსონალისა და პაციენტებისთვის. მისი ხელმძღვანელობითა და მონაწილეობით შეიქმნა სტუდენტებისათვის ბიოეთიკის სასწავლო პროგრამა, საქართველოს კანონპროექტები ("ჯანდაცვის შესახებ', 'პაციენტის უფლებების შესახებ", "საექიმო საქმიანობის შესახებ", "ადამიანის ორგანოების გადანერგვის შესახებ", "ბავშვთა ხელოვნური საკვების კონტროლირებადი მოხმარებისა და ბავშვთა ბუნებრივი კვების ხელშეწყობის შესახებ",  "ადამიანზე ჩატარებული სამედიცინო-ბიოლოგიური კვლევის შესახებ", "აბორტის შესახებ") და საკანონმდებლო ნორმატიული აქტები, მრავალი საერთაშორისო დოკუმენტის თარგმანი.

საკანდიდატო დისერტაციის თემა - "გულისა და რეგიონული სისხლის მიმოქცევის მდგომარეობა თირკმლების უკმარისობის დროს", დაიცვა 1973 წელს; სადოქტორო დისერტაციის თემა - "პარანეოპლასტიური ნეფროპათია ავთვისებიანი ლიმფომების დროს", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.153; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.264; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia;  საქართველო: ენციკლოპედია: ტ.5. -თბ.,2023. -გვ. 30

• საქართველოს ბიოეთიკისა და ჯანმრთელობის დაცვის სამართლებრივი საკითხების შემსწავლელი საზოგადოება, თავმჯდომარის მოადგილე (1998-)
• საქართველოს ინტერნისტთა საზოგადოების გამგეობა, წევრი
• საქართველოს ნეფროლოგთა ასოციაცია, თავმჯდომარე
• ცენტრალური და აღმოსავლეთ ევროპის ბიოეთიკის ასოციაცია, წევრი (1996-)

• 2000 - ღირსების ორდენი

• ექიმის პროფესიული საქმიანობის სამართლებრივი საფუძვლები (Co-Author). - თბილისი, საქ. ბიოეთიკის და ჯანდაცვის სამართლ. საკითხ. შემსწ. საზ-ბა, 2002. - 89გვ.
• საქართველოს კანონი "პაციენტის უფლებების შესახებ" (Co-Author). - თბილისი, 2001. - 28გვ.. - ISBN: 99928-908-4-3
• არტერიული ჰიპერტენზია : დიაგნოზი, მკურნალობა (Co-Author). - 1992. - 267გვ.