დარია ახვლედიანი

დაბადების ადგილი: სოფელი ჭაგანი, სამტრედიის რაიონი.

აქტიურად მონაწილეობდა ქართველთა შორის წერა–კითხვის გამავრცელებელი საზოგადოების ჩამოყალიბებასა და ფუნქციონირებაში; ეხმარებოდა ინტელიგენციას მატერიალურად; 1916 წლიდან თბილისში,  მის მეუღლეს გიორგი ახვლედიანს, გოლოვინის პროსპექტზე ჰქონდა გახსნილი "ახალი აფთიაქი"; პირველი მსოფლიო ომის დროს ეხმარებოდა უფასო მედიკამენტებით დაჭრილებსა და ქვრივ–ობლებს; მონაწილეობა აქვს მიღებული საბავშვო ჟურნალ "ნაკადული"-ს დაარსებაში; 1903 წელს დაიბეჭდა მისი პირველი ლექსი გაზეთ "კვალში"; ამის შემდეგ ლექსებს ბეჭდავდა სხვადასხვა ჟურნალ–გაზეთებში; გამოსცა ლექსების კრებული "სევდის ჰანგები"; გარდა ლექსებისა წერდა ესკიზებს, საბავშვო მოთხრობებსა და ლექსებს, პოემებს, წერილებს. საზოგადო მოღვაწისა და მეცენატის, 1937-1938 წლებში რეპრესირებული გიორგი ახვლედიანის მეუღლე.

წყარო: ბურუსი: burusi.wordpress.com; მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.269-273

• დრამატიული საზოგადოება, წევრი
• საქართველოს საბჭოთა მწერლების კავშირი, წევრი (1934-)
• ქართველ ქალთა საზოგადოება, წევრი
• ქართველთა შორის წერა-კითხვის გამავრცელებელი საზოგადოება, წევრი
• წითელი ჯვარი, წევრი

• სევდის ჰანგები : ლექსები (ავტორი). - თბილისი, სტ. "შრომა", 1912. - 56გვ.