ნოდარ ლომიძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1975-1978წწ. იყო ა. ნათიშვილის სახელობის ექსპერიმენტული მორფოლოგიის ინსტიტუტის უმცროსი მეცნიერ თანამშრომელი; 1979-1979წწ. თბილისის N1 პოლიკლინიკის ექიმი-ქირურგი; 1979-1980წწ. რესპუბლიკური ცენტრალური კლინიკური საავადმყოფოს ქირურგი–ორდინატორი; 1980-1989წწ. თბილისის სახელმწიფო სამედიცინო ინსტიტუტის ჰოსპიტალური ქირურგიის კათედრის ასისტენტი, 1992-1993წწ. კათედრის დოცენტი; 1992-1994წწ. თბილისის სახელმწიფო სამედიცინო ინსტიტუტის სამკურნალო ფაკულტეტის დეკანის მოადგილე; 1993-1995წწ. ამავე უნივერსიტეტის ჰოსპიტალური ქირურგიის კათედრის პროფესორი, 1994-1998წწ. უნივერსიტეტის პრორექტორი; 1995-2006წწ. თბილისის სახელმწიფო სამედიცინო ინსტიტუტის(ჰოსპიტალური ქირურგიის) ქირურგიულ სნეულებათა N1 კათედრის გამგე; 2002 წლიდან თბილისის სახლმწიფო სამედიცინო ინსტიტუტის ცენტრალური კლინიკის ქირურგიულ სნეულებათა დეპარტამეწნტის, ხოლო 2006 წლიდან - თბილისის სახელმწიფო სამედიცინო უნივერსიტეტის ქირურგიული დეპარტამენტის ხელმძღვანელი; 2006–2007წწ. აკად. ნ. ყიფშიძის სახელობის ცენტრალური საუნივერსიტეტო კლინიკის გენერალური დირექტორის მოადგილე კლინიკურ დარგში; 2007 წლიდან აკად. ნ.ყიფშიძის სახელობის ცენტალური საუნივერსიტეტო კლინიკის ქირურგიული სამსახურის უფროსი; 2008 წლიდან ქ. თბილისის მე-4 კლინიკური საავადმყოფოს ქირურგიული სამსახურის ხელმძღვანელი. 1991 წელს მიღებული აქვს ლაპაროსტომიის მეთოდის დანერგვისთვის და საპატიო სიგელი გამოგონებისთვის.

საკანდიდატო დისერტაციის თემა - "ადამიანის გვირგვინოვანი არტერიების კედლის ასაკობრივი ცვლილებები", დაიცვა 1987 წელს.

სადოქტორო დისერტაციის თემა - "გეგმიური რელაპაროტომია და ჩანაცვლებითი პლაზმაფერები მწვავე გავრცელებული პერიტონიტის მკურნალობის კომპლექსში", დაიცვა 1992 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000; საინფორმაციო სამედიცინო პორტალი: vidal.ge

• ბიოეთიკის ეროვნული საბჭო, წევრი
• დიპლომისშემდგომი მზადების და უწყვეტი პროფესიული განვითარების საბჭო, წევრი
• თსსუ დოქტორის აკადემიური ხარისხის მიმნიჭებელი საბჭო, წევრი
• საქართველოს ექიმთა ასოციაცია, პრეზიდენტი
• საქართველოს მედიცინის მეცნიერებათა აკადემია, წევრი
• საქართველოს სწავლულ ექსპერტთა საბჭოს (სეს-ის) მედიცინის და ფარმაციის დარგობრივი სექცია, თავმჯდომარე
• საქართველოს ქირურგთა ასოციაცია, პრეზიდენტი
• სახელმწიფო სერტიფიკატის მიმნიჭებელი საბჭო, წევრი

• ღია და ლაპაროსკოპული პროთეზირებადი თიაქარპლასტიკა (რედაქტორი). - თბილისი, ცოდნის წყარო, 2009. - 195გვ.
• Возрастные изменения строения стенок венечных артерий человека (ავტორი). - Тбилиси, Мецниереба, 1980. - 95с.