ნატალია აზიანი

დაბადების ადგილი: ქ. გორი.

პირველდაწყებითი განათლება მიიღო გორის კერძო პანსიონსი, შემდეგ სწავლა განაგრძო ქალთა გიმნაზიაში და თბილისის წმინდა ნინოს სასწავლებელში; ცხრაასიანი წლებიდან ჩაება რევოლუციურ მოძრაობაში; აქტიურად თანამშრომლობდა ჟურნალ–გაზეთებში: "მოგზაური", "ჩვენი ცხოვრება", "სიტყვა", "დრო", "მნათობი"; 1897 წელს დაწერა პირველი პიესა "ინჯილერი და დოხტური", რომელმაც ილია ჭავჭავაძის მოწონება დაიმსახურა; მისი პიესები – "ფული და ხარისხი", "ცოდვა", "დეზერტირკა" 1925 წელს კოტე მარჯანიშვილმა დადგა რუსთაველის სახელმწიფო თეატრში; გარდა პიესებისა წერდა მოთხრობებსა და სატირულ ფელეტონებს მიმდინარე პოლიტიკურ და ყოველდღიურ საჭირბოროტო საკითხებზე. გამოუქვეყნებელი დარჩა ხელნაწერი მოგონებანი თეატრსა და ცნობილ საზოგადო მოღვაწეებზე.

წყარო: საიუბილეო თარიღები : თეატრი, მუსიკა, კინო.-თბ.,1988.- გვ.9; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.90 

• მოგონებები, ფელეტონები, ლექსები (ავტორი). - თბილისი, მერანი, 2001. - 104გვ.. - ISBN: 99928-16-83-X
• პიესები (ავტორი). - ტფილისი, ფედერაცია, 1936. - 251გვ.