მარინა მამალაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1974 წელს; კლინიკური ორდინატურა თერაპიულ სტომატოლოგიაში - 1979 წელს; მოსკოვის სტომატოლოგიის ცენტრალური კვლევით-სამეცნიერო ინსტიტუტის ასპირანტურა - 1981 წელს. 

1984 წლიდან -  თბილისის სახელმწიფო სამედიცინო უნივერსიტეტის ა. ურუშაძის სახელობის სტომატოლოგიის კლინიკა, საექიმო მოღვაწეობა; 1984 წლიდან - თბილისის სახელმწიფო სამედიცინო უნივერსიტეტი, თერაპიული სტომატოლოგიის კათედრის ასისტენტი, დოცენტი, პროფესორი, ოდონტოლოგიის დეპარტამენტისა და ენდოდონტიის მიმართულების ხელმძღვანელი; 1994 წლიდან - სტომატოლოგიის კლინიკა და სასწავლო-კვლევითი ცენტრი "უნიდენტი", დირექტორი, სამკურნალო და სასწავლო-კვლევითი საქმიანობის ხელმძღვანელი; 2001-2007წწ. - თბილისის სახელმწიფო სამედიცინო უნივერსიტეტი სადისერტაციო საბჭოს წევრი; 2007 წლიდან - საქართველოს შრომის და ჯანმრთელობის დაცვის სამინისტრო, ექსპერტი-სტომატოლოგი; 2009 წლიდან - თბილისის სახელმწიფო სამედიცინო უნივერსიტეტი, პროფესორი, ოდონტოლოგიის დეპარტამენტის ხელმძღვანელი; 2010 წლიდან - თბილისის სახელმწიფო სამედიცინო უნივერსიტეტის აკადემიური საბჭოს წევრი; 2013 წლიდან - ჟურნალ "Dent Art" (უკრაინა) სარედაქციო საბჭოს წევრი. 80-ზე მეტი სამეცნიერო ნაშრომის, 3 დამხმარე და 1 ძირითადი სახელმძღვანელოს ავტორი. კვლევის თემა: ფოტოპოლიმერიზაციული კომპოზიციური მასალებით კბილთა დეფექტების აღდგენის შემდგომ გართულებათა და ფისურული კარიესის პროფილაქტიკის ძირითადი ასპექტები.  სტომატოლოგიისა და სამედიცინო ესთეტიკის ქართულ-გერმანულ-ესპანური კლინიკა "უნიდენტ-როსის" ხელმძღვანელი. ექიმი-სტომატოლოგი, მედიცინის მეცნიერებათა დოქტორი (1998), პროფესორი (2001).

საკანდიდატო დისერტაციის თემა - "პაროდონტიტიან პაციენტთა იმუნომარეგულირებელი სუბ–პოპულაციები", დაიცვა 1985 წელს; სადოქტორო დისერტაციის თემა - "ფოტოპოლიმერიზაციული კომპოზიციური მასალებით კბილთა დეფექტების აღდგენის შემდგომ გართულებათა და ფისურული კარიესის პროფილაქტიკის ძირითადი ასპექტები", დაიცვა 1998 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.347; geodoc.ge

• დენტისთა საერთაშორისო კოლეჯი (ICD) , წევრი (2013-)
• საერთაშორისო დენტალური აკადემია (ADI), წევრი (2010-)
• საქართველოს სტომატოლოგთა პროფესიული ასოციაცია, პრეზიდენტი (2009-)
• უკრაინის ესთეტიკური სტომატოლოგიის ასოციაცია , წევრი (2013-)

• 2012 - საქართველოს ეროვნული პრემია, მედიცინა
  ნაშრომთა ციკლისა და სახელმძღვანელოსთვის "ოდონტოლოგია"

• კარიესის, პულპიტის და პერიოდონტიტის კლინიკა, დიაგნოსტიკა და მართვა: პროგრამულ-მეთოდური პრაქტიკუმი : სახელმძღვანელო (თანაავტორი). - თბილისი, ჯორჯია თუდეი ჯგუფი, 2019. - 61გვ.. - ISBN: 9789941811326
• ოპერაციული ოდონტოლოგია : სახელმძღვ. სტომატოლოგიის ფაკ-ტის სტუდ. და რეზიდენტებისთვის (თანაავტორი) // ნაწ. 1. - თბილისი, შპს "ფავორიტი პრინტი", 2011. - 311გვ.. - ISBN: 978-9941-0-2848-9
• პრაქტიკული ენდოდონტიის საფუძვლები : დამხმ. სახელმძღვ. უმაღლ. სამედ. სასწავლებლების სტომატ. ფაკ–ტის სტუდენტებისათვის (თანაავტორი). - თბილისი, შპს "სეზანი", 2000. - 199გვ.
• ენდოდონტია: საფანტომო კურსი : დამხმ. სახელმძღვ. უმაღლ. სამედ. სასწავლებლების სტომატ. ფაკ–ტის სტუდენტებისათვის (თანაავტორი). - თბილისი, ს/ს "ფარნავაზი", 1998. - 143გვ.