ჯანგირ მამალაძე

დაბადების ადგილი: ქ. ლანჩხუთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1959 წელს.

1959-1970წწ. მუშაობდა ექიმად სამკურნალო დაწესებულებებში; 1970–1972წწ. იყო გამომცემლობა "საბჭოთა საქართველოს" სამედიცინო ლიტერატურის რედაქციის გამგე; 1973 წლიდან ჟურნალ "საქართველოს სამედიცინო მოამბის", 1996 წლიდან გაზეთ "მედიცინის" მთავარი რედაქტორი. ავტორია 156 სამეცნიერო–პუბლიცისტური ნაშრომის მედიცინის აქტუალურ საკითხებზე. მედიცინის ისტორიკოსი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "სათესლე ჯირკვლის ზოგიერთი ჰისტოქიმიური თავისებურებანი დაბერების პროცესში", დაიცვა 1974 წელს.

სადოქტორო დისერტაციის თემა - "ქართული სამედიცინო პერიოდული პრესის მნიშვნელობა სამამულო მედიცინის განვითარებაში", დაიცვა 1995 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ. - 2000.- გვ.181

• თბილისის სახელმწიფო სამედიცინო უნივერსიტეტის ექიმთა დიპლომისშემდგომი განათლების სახ. აკადემიის საბჭო, წევრი

• 1997 - ღირსების ორდენი
• 1990 - ზაზა ფანასკერტელ-ციციშვილის სახელობის პრემია
• 1984 - საქართველოს დამსახურებული ექიმი

• საზოგადოებრივი ჯანდაცვა და მენეჯმენტი : სახელმძღვ. სტუდენტებისა და ექიმებისათვის (რედაქტორი). - თბილისი, 2012. - 577გვ.. - ISBN: 978-9941-0-4436-6
• ცხოვრების მხარდამხარ : მედიცინის მეცნიერებათა დოქტორის შოთა გოგოხიას ცხოვრება და მოღვაწეობა (ავტორი). - თბილისი, შპს "პოლიგრაფისტი", 2008. - 184გვ.. - ISBN: 978-9941-0-0918-1
• მადლით გასხივოსნებული მკურნალი (ავტორი). - თბილისი, 2001. - 87გვ.