ილო მოსაშვილი

დაბადების ადგილი: სოფელი ჩარგალი, დუშეთის რაიონი.

სწავლობდა პეტერბურგის ფსიქო-ნერვოლოგიურ ინსტიტუტში 1914-1917წწ; დაამთავრა ხარკოვის უნივერსიტეტის იურიდიული ფაკულტეტი.

1926-1932წწ. იყო ჟურნალ "შოლტის" პასუხისმგებელი მდივანი და გაზეთ "კომუნისტის" რედაქტორი; 1937-1940წწ. საქართველოს ლიტერატურული ფონდის დირექტორი; 1911 წელს დაიბეჭდა მისი პირველი ლექსი გაზეთ "სინათლეში"; აქვეყნებდა ლექსებს, მოთხრობებს, ნარკვევებს, პიესებს; მის რამდენიმე ლექსზე დაწერილია სიმღერა; არის ფილმების სცენარის ავტორი: "ის კიდევ დაბრუნდება"(1943), "სადარაჯო ჯიხური"(1941), "ქალიშვილი გაღმიდან"(1940), "ორი მეგობარი"(1937), "მდინარის გაღმა"(1935), "არშაულა"(1935); პიესების – "სადგურის უფროსი", "ჩაძირული ქვები", "მისი ვარსკვლავი"; ასევე წერდა ნაწარმოებებს ბავშვებისთვის; მან თარგმნა შევჩენკოს, ფრანკოს, მაიაკოვსკისა და ესენინის ნაწარმოებები.

წყარო: მამულიშვილთა სავანე. - თბ., 1994. - გვ.276

• მწერალთა კავშირის გამგეობა, წევრი
• მწერალთა კავშირის პრეზიდიუმი, წევრი
• რადიკალ– დემაკრატიული პარტია, წევრი (1917-1918)
• საქართველოს საბჭოთა მწერლების კავშირი, წევრი (1934-)
• საქართველოს სსრ უმაღლესი საბჭო, დეპუტატი
• საქართველოს სსრ უმაღლესი საბჭოს პრეზიდიუმი, წევრი

• მედალი "შრომითი მამაცობისთვის"
• მედალი "კავკასიის დაცვისთვის"
• სტალინური პრემია
• წითელი დროშის ორდენი
• ლენინის ორდენი

• უცნაური ცხოველი : ლექსი უმცროს ასაკისათვის (ავტორი). - თბილისი, სახელგამის საბავშო ახალგაზრდობის და ლიტერატურის სექტორი, 1937. - 16გვ.
• ერთად : საბავშო პოემა (ავტორი). - ტფილისი, სახელგამის საბ. და ახალგაზრდ. სექტორის მე-3 სტ., 1935. - 12გვ.
• როზგა ჩაფარი : პოემა (ავტორი). - ტფილისი, სახელგამის საბავშ. და ახალგ. სექტორის გა-მა, 1934. - 27გვ.
• თოლია : მოთხრობა (ავტორი). - ტფილისი, სახელგამი, 1932. - 35გვ.