იური მუჩაიძე

დაბადების ადგილი: ქ. თბილისი.

დაამთავრა მოსკოვის საერთაშორისო ურთიერთობათა სახელმწიფო ინსტიტუტი 1954 წელს; თბილისის სახელმწიფო სამედიცინო ინსტიტუტი 1960 წელს.

1960–1963წწ. იყო სამხრეთ ოსეთის ავტონომიური ოლქის, ჯავის რაიონის რაი–პედიატრი; 1964–1967წწ. პედიატრიის სამეცნიერო კვლევითი ინსტიტუტის მიერ მივლინებული იყო მიზნობრივ ასპირანტურაში მოსკოვში; 1967–1979წწ. მუშაობდა პედიატრიის სამეცნიერო კვლევითი ინსტიტუტის ახალშობილთა განყოფილების უფროს მეცნიერ –თანამშრომლად; 1979 წლიდან პედიატრიის სამეცნიერო კვლევითი ინსტიტუტის დირექტორის მოადგილე სამეცნიერო დარგში; ნეონატოლოგიური განყოფილების ხელმძღვანელი. ავტორია 116 სამეცნიერო ნაშრომის. პედიატრ - ნეონატოლოგი, მედიცინის მეცნიერებათა დოქტორი; პროფესორი.

საკანდიდატო დისერტაციის თემა - "თერმორეგულაციის თავისებურებანი პირველი თვის დღენაკლულ ბავშვები", დაიცვა 1967 წელს; სადოქტორო დისერტაციის თემა - "თავის ტვინის სისხლის მიმოქცევის თავისებურებანი პირველი თვეების დღენაკლულ ბავშვებში ქალასშიდა ტრავმის დროს", დაიცვა 1979 წელს. 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.209; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.234

• ნეონატალოგთა ასოციაცია, ვიცე–პრეზიდენტი
• პედიატრთა საზოგადოების გამგეობა, წევრი
• პედიატრთა საზოგადოების გამგეობისა და ნაციონალური ცენტრის საექსპერტო კომისია, წევრი

• 1999 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური და ნაყოფიერი მოღვაწეობისათვის
• მედალი "ჯანმრთელობის დაცვის ფრიადოსანი"
• საპატიო ნიშნის ორდენი

• Особенности терморегуляции у недоношенных детей первых месяцев жизни (ავტორი). - Тбилиси, Сабч. Сакартвело, 1968. - 51с.
• ალკოჰოლიზმის შესახებ (თანაავტორი). - თბილისი, საბჭ. საქართველო, 1968. - 18გვ.