ლია ჟორჟოლიანი

დაბადების ადგილი: ქ.თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1971 წელს.

1971–1973წწ. იყო გორის სამშობიარო სახლის მიკროპედიატრი; 1973–1975წწ. სამშობიარო სახლის ბავშვთა განყოფილების გამგე; 1975–1977წწ. პედიატრიის სამეცნიერო კვლევითი ინსტიტუტის კლინიკური ორდინატორი; 1977–1987წწ. უმცროსი მეცნიერ–თანამშრომელი; 1987–1993წწ. უფროსი მეცნიერ–თანამშრომელი; 1993 წლიდან კი წამყვანი მეცნიერ–თანამშრომელი. ავტორია 41 სამეცნიერო ნაშრომის, რომლებიც ეხება ალერგიული დაავადებების ასპექტებს ბავშვებში. გამოქვეყნებული აქვს მონოგრაფია: "ბრონქული ასტმა ბავშვებში", 1997 წელს. 1996 წელს ქაიროს უნივერსიტეტის სამკურნალო ფაკულტეტის მოწვევით იმყოფებოდა ეგვიპტეში ექსპერტ–პედიატრად. ავტორია 41 სამეცნიერო ნაშრომისა, რომლებიც ეხება ალერგიული დაავადებების ასპექტებს ბავშვებში. გამოქვეყნებული აქვს მონოგრაფია: "ბრონქული ასთმა ბავშვებში"(1997).

საკანდიდატო დისერტაციის თემა - "თირობინის ცვლა და თირკმელზედა ჯირკვლის ფუნქციური მდგომარეობა ბრონქული ასთმით დაავადებულ ბავშვებში", დაიცვა 1984 წელს.

სადოქტორო დისერტაციის თემა - "ალერგიულ დაავადებათა კლინიკო–ეპიდემიოლოგიური თავისებურებანი ბავშვთა მოსახლეობაში", აპრობირებულ იქნა 1988 წლის 21 მაისს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.136

• ESPACI, წევრი
• ბავშვთა ალერგოლოგთა ასოციაცია, წევრი
• ბავშვთა კლინიკურ იმუნოლოგთა ასოციაცია, წევრი
• საქართველოს ბავშვთა ალერგოლოგთა და კლინიკურ იმუნოლოგთა ასოციაცია, ვიცე-პრეზიდენტი (1994-)
• საქართველოს პედიატრთა საზოგადოება, წევრი

• ბრონქული ასთმა ბავშვებში : მკურნალობა, პროფილაქტიკა (ავტორი). - თბილისი, აღმაშენებელი, 1997. - 259გვ.