რამაზ შენგელია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1975 წელს.

იყო საქართველოს მთასვლელთა ნაკრების წევრი–ექიმი; 1975-1976წწ. ქალაქის მე–2 საავადმყოფოს ქირურგი–ინტერნი; 1976-1978წწ. ახალციხის რაისაავადმყოფოს ქირურგი–ორდინატორი; 1978-1991წწ. თბილისის ქირურგიის ინსტიტუტის თანამშრომელი; 1991 წლიდან თბილისის სახელმწიფო სამედიცინო ინსტიტუტის მედიცინის ისტორიისა და ტრადიციული მედიცინის სამეცნიერო კვლევითი განყოფილების გამგე, მედიცინის მუზეუმის დირექტორის მოადგილე; ამჟამად არის მედიცინის ისტორიისა და ბიოეთიკის დეპარტამენტის ხელმძღვანელი; თბილისის სახელმწიფო სამედიცინო ინსტიტუტის სრული პროფესორი; ავტორია 82 სამეცნიერო ნაშრომისა, მოთხრობების კრებულისა და რომანის; გამოქვეყნებული აქვს ორი მონოგრაფია: "ქართული ეროვნული მედიცინა და თურმანიძეები"(1992), "ზოგიერთი ქირურგიული სნეულება ქართულ ტრადიციულ მედიცინაზე"(1998); გაკეთებული აქვს ოპერაცია ზღვის დონიდან 4000 მეტრზე, რისთვისაც დაჯილდოვდა სპეციალური მედლით. არის მოთხრობების კრებულისა და რომანის ავტორი.

საკანდიდატო დისერტაციის თემა – "მექანიკური კარდიომასაჟის სრულყოფა და ჰომეოსტაზის ზოგიერთი პარამეტრის მონიტორინგი", დაიცვა 1984 წელს.

სადოქტორო დისერტაციის თემა – "ზოგიერთი ქირურგიული სნეულება ძველ ქართულ კლასიკურ და ხალხურ მედიცინაში. სამკურნალწამლო საშუალებების აპრიორული შეფასების მეთოდები და კრიტერიუმები", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.312; საქართველოს მეცნიერებათა ეროვნული აკადემიის უწყებები: science.org.ge

• მედიცინის ისტორიკოსთა მსოფლიო საზოგადოების გამგეობა, წევრი
• მედიცინის ისტორიკოსთა საერთაშორისო კონფედერაციის გამგეობა, წევრი
• მედიცინის ისტორიკოსთა საერთაშორისო საზოგადოება, ვიცე-პრეზიდენტი
• ნიუ–იორკის აკადემია, წევრი
• სრულიად რუსეთის პეტრეს მეცნიერებისა და ხელოვნების აკადემია, წევრი

• დაწუნებული ქვის მონასტერი : ისტორიული რომანი (ავტორი). - თბილისი, გამ-ბა "საქართველოს მაცნეს" სტ., 2008. - 252გვ.. - ISBN: 978-9941-0-0436-0
• სამედიცინო კალენდარი (რედაქტორი). - თბილისი, 1999. - 744გვ.
• ქართული ეროვნული მედიცინა და თურმანიძეები (თანაავტორი). - თბილისი, "სამშობლო"-ს სტ., 1992. - 97გვ.
• მოთხრობები (ავტორი). - თბილისი, მერანი, 1986. - 118გვ.