თინათინ შველიძე

დაბადების ადგილი: დაბა სურამი.

დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი 1957 წელს.

1958-1959წწ. იყო გრ. მუხაძის სახელობის ჰემატოლოგიისა და ტრანსფუზიოლოგიის სამეცნიერო კვლევითი ინსტიტუტის კლინიკური ორდინატორი; 1959-1963წწ. კლინიკური ასპირანტი; 1963-1988წწ. უფროსი მეცნიერ–თანამშრომელი; ავტორია 100–ზე მეტი სამეცნიერო ნაშრომისა; არის საქართველოში ქსოვილიანი კულტურის ფუძემდებელი ონკოჰემატოლოგიაში(1961); მისი ხელმძღვანელობით დაცულია 2 საკანდიდატო დისერტაცია. მიღებული აქვს  და ოქროს მედალი(1951) და სამკერდე ნიშანი(1987).

საკანდიდატო დისერტაციის თემა – "ლეიკოზით და ერითრემიით დაავადებულთა პერიფერიული სისხლისა და ძვლის ტვინის ზოგიერთი კომპონენტების ჯანმრთელი ადამიანის ლეიკოციტებზე მოქმედების საკითხისათვის ქსოვილის კულტივირების პირობებში", დაიცვა 1964 წელს.

სადოქტორო დისერტაციის თემა – "სისხლწარმოქმნა თხიერ კულტურეში ჰემობლასტოზების დროს", დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.314

• ჰემატოლოგთა და ტრანსფუზიოლოგთა საზოგადოება, წევრი

• ჰემატოლოგიის ატლასი = Atlas of Hematology = Атлас гематологии : დიაგნოსტიკა კლინიკურ გამოვლინებამდე : ონკოლოგია, იმუნოლოგია, ტრანსპლანტოლოგია, მეანობა-გინეკოლოგია, ინფექტოლოგია (თანაავტორი). - თბილისი, 2013. - 208გვ.. - ISBN: 978-99940-0-683-0