შესვლა |
![]() |
![]() |
![]() ![]() |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
თამაზ შიოშვილი![]()
ბიოგრაფიადაბადების ადგილი: ქ. ბათუმი. დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს. 1967-1968წწ. იყო ცელინოგრადის უროლოგიური განყოფილების ექიმი; 1968-1971წწ. საქართველოს სსრ ჯანდაცვის სამინისტროს უროლოგიისა და ნეფროლოგიის სამეცნიერო კვლევითი ინსტიტუტის ასპირანტი; 1971-1973წწ. ამავე ინსტიტუტის საორგანიზაციო–მეთოდური კაბინეტის გამგე; 1973-1986წწ. უფროსი მეცნიერ–თანამშრომელი; 1986-1989წწ. მოზრდილთა კლინიკური განყოფილების ხელმძღვანელი; 1989 წლიდან ექიმთა დახელოვნების ინსტიტუტის უროლოგიის კათედრის გამგე; ექიმთა დახელოვნების უროლოგიისა და გადაუდებელი დახმარების კლინიკის გენერალური დირექტორი; ავტორია 102 სამეცნიერო ნაშრომისა; გამოქვეყნებული აქვს სამი მონოგრაფია, მათ შორის – "თირკმლის ულტრასტრუქტურა იშემიისა და ჰიპოთერმიის დროს"(1971); მისი ხელმძღვანელობით დაცულია 5 საკანდიდატო დისერტაცია; არის სპორტის ოსტატი კლასიკურ ჭიდაობაში და საქართველოს "განთიადის" ჩემპიონი(1964). საკანდიდატო დისერტაციის თემა – "ადგილობრივი ჰიპოთერმიის გამოყენება "მშრალ" თირკმელზე", დაიცვა 1972 წელს. სადოქტორო დისერტაციის თემა – "არასპეციფიკური ფაქტორების (დენერვაცია, იშემია) მოქმედება თირკმლის ტრანსპლანტატზე და მათი უარყოფითი ზეგავლენის თავიდან აცილების გზები", დაიცვა მოსკოვში 1982 წელს. წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.315 ორგანიზაციის, ასოციაციის ან ჯგუფის წევრი
ბიბლიოგრაფია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |