ლევან ჩარკვიანი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1944 წელს.

1944-1945წწ. იყო ხულოს რაიონის რიყეთის საექიმო უბნის გამგე; 1945-1947წწ. ბათუმის ჯანმრთელობის განყოფილების გამგე; 1948-1949წწ. ბათუმის სამშობიარო სახლის ორდინატორი; 1949-1954წწ. ბათუმის რესპუბლიკური საავადმყოფოს მთავარი ექიმი; 1954-1964წწ. ბათუმის სამშობიარო სახლის მთავარი ექიმი და განყოფილების გამგე; 1964 წლიდან საქართველოს ჯანდაცვის სამინისტროს ონკოცენტრის გინეკოლოგიური განყოფილების ხელმძღვანელი; ავტორია 335 სამეცნიერო ნაშრომისა; გამოქვეყნებული აქვს მონოგრაფიები: "ქალის სასქესო ორგანოების კიბოს ზოგიერთი საკითხი"(1964), "ქალის სასქესო ორგანოების და სარძევე ჯირკვლის კიბოთი დაავადება საქართველოში 20 წლის მანძილზე"(1965-1984); მისი ხელმძღვანელობით დაცულია 28 საკანდიდატო და სადოქტორო დისერტაცია.

საკანდიდატო დისერტაციის თემა – "Опыт профилактики рака шейки матки влимонно-мандариновых совхозах и колхозах Аджарской АССР", დაიცვა 1951 წელს.

სადოქტორო დისერტაციის თემა – "ქალის სასქესო ორგანოების კიბოს გავრცელების თავისებურებანი აჭარაში და საშვილოსნოს ექსპერიმენტული კიბო", დაიცვა 1963 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.319

• ევროპის გინეკოლოგ–ონკოლოგთა საზოგადოება, საპატიო წევრი
• საქართველოს გინეკოლოგ–ონკოლოგთა საზოგადოება, თავმჯდომარე
• საქართველოს ონკოლოგთა საზოგადოება, თავმჯდომარე

• 1997 - ღირსების ორდენი
• 1989 - საქართველოს მეცნიერებათა დამსახურებული მოღვაწე
• 1982 - სსრკ სახელმწიფო პრემია
• 1964 - აჭარის ასსრ დამსახურებული ექიმი

• საშვილოსნოს ყელის კიბო : ეპიდემიოლოგია, პროფილაქტიკა, ადრეული დიაგნოსტიკა, მკურნალობა, შორეული შედეგები (ავტორი). - თბილისი, 2002. - 32გვ.
• ქალის სასქესო ორგანოების კიბოს ზოგიერთი საკითხი (ავტორი). - თბილისი, საბჭ. საქართველო, 1964. - 302გვ.
• რა უნდა იცოდეს ქალმა სასქესო ორგანოების კიბოს თავიდან ასაცილებლად (ავტორი). - თბილისი, საბჭ. საქართველო. - 24გვ.