გურამ ჩიტაია

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1970 წელს.

1972-1975წწ. იყო სოფელ მარტყოფის საუბნო საავადმყოფოს პედიატრი; 1976-1980წწ. - თბილისის ბავშვთა N5 საავადმყოფოს ორდინატორი; 1980-1987წწ. - ქირურგიის ინსტიტუტის მეცნიერ–თანამშრომელი; 1987-1998წწ. - ბავშვთა სნეულებათა N2 კათედრის ასისტენტი, დოცენტი; 1991-2005წწ. - ჯანდაცვის სამინისტროს მთავარი ბავშვთა ნეფროლოგი; 1999-2007წწ. - თბილისის სახელმწიფო სამედიცინო უნივერსიტეტის პედიატრიის კათედრის პროფესორი; 2009-2011წწ. - გ. ჟვანიას სახელობის პედიატრიული კლინიკის I პედიატრიული განყოფილების გამგე; 2005 წლიდან - ჯანდაცვის სამინისტროს ექსპერტი პედიატრიაში; ციციშვილის სახელობის ბავშვთა ახალი კლინიკის პედიატრიული დეპარტამენტის ხელმძღვანელი; ჯანდაცვის სამინისტროს მთავარი ბავშვთა ნეფროლოგი. სამეცნიერო ნაშრომების ავტორი. ექიმი-პედიატრი, მედიცინის მეცნიერებათა დოქტორი (1994), პროფესორი (1996).

საკანდიდატო დისერტაციის თემა – "პიელონეფრიტის კლინიკურ–იმუნოლოგიური დახასიათება ბავშვებში", დაიცვა 1983 წელს; სადოქტორო დისერტაციის თემა – "ჰიპერრეფლექსური შარდის ბუშტი ბავშვთა ასაკში – პათოგენეზი, დიაგნოსტიკა და თერაპიული კორექციის შესაძლო გზები", დაიცვა 1994 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.381; ევექსი ჰოსპიტლები: evexhospitals.ge

• ევროპის პედიატრ-ნეფროლოგთა ასოციაცია, წევრი (1999-)
• ნეფროლოგთა საერთაშორისო ასოციაცია, წევრი (1999-)
• საქართველოს პედიატრ-ნეფროლოგთა ასოციაცია, დამფუძვნებელი, გენერალური მდივანი (2000-)
• საქართველოს პედიატრთა აკადემია, წევრი
• საქართველოს პედიატრთა ასოციაცია, წევრი
• ხარისხების მიმნიჭებელი სამეცნიერო საბჭო, წევრი

• პედიატრია-XXI : სამეცნიერო და სასწ.-მეთოდ. ნაშრომთა კრებული, მიძღვნილი მეცნიერების დამს. მოღვაწის, პროფ. მერი გელოვანის დაბადების 85 წლის და სამეცნ.-პედ. მოღვაწეობის 60 წლის იუბილისადმი (რედაქტორი). - თბილისი, შპს "თობალისი", 2010. - 116გვ.