ჯემალ ჩუბინიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1964-1968წწ. იყო ბორჯომის საავადმყოფოს ქირურგი; 1969-1999წწ. თბილისის ექიმთა დახელოვნების ინსტიტუტის სისხლძარღვთა და გადაუდებელი მიკროქირურგიის კათედრის დოცენტი; ავტორია 95 სამეცნიერო ნაშრომის; გამოქვეყნებული აქვს მონოგრაფიები, მათ შორის: "ნაწლავთა დახურული დაზიანებანი"(1970), "ქვემო კიდურების სისხლძარღვთა დაავადებები" (1987), "ქვემო კიდურების კანქვეშა ვენების ვარიკოზული გაგანიერება"(1989), "ქვემო კიდურების პოსტთრომბოტული დაავადება" (1995), "გადაუდებელი ანგიოლოგია" (1998). ქირურგი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა – "ნაწლავთა დახურული დაზიანებანი", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.329; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.381

• ასოციაცია "სავანეს" გამგეობა, წევრი
• საქართველოს ანგიოლოგთა ასოციაციის გამგეობა, წევრი
• საქართველოს ეროვნულ და სოციალურ ურთიერთობათა აკადემია, აკადემიკოსი

• 1999 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური და ნაყოფიერი მოღვაწეობისათვის
• 1985 - მედალი "ჯანმრთელობის დაცვის ფრიადოსანი"

• ქვემო კიდურების ლიმფური სისტემის დაავადების მკურნალობა და პროფილაქტიკა (ავტორი). - თბილისი, 1998. - 22გვ.
• გადაუდებელი ანგიოლოგია (ავტორი). - თბილისი, 1998. - 144გვ.
• ქვემო კიდურების პოსტთრომბოტული დაავადება. (ავტორი). - თბილისი, მნათე, 1995. - 148გვ.. - ISBN: 5-529-00257-9
• ქვემო კიდურების ქრონიკული ვენური უკმარისობის ინფექციურ გართულებათა პროგნოზირება და პროფილაქტიკა. (თანაავტორი). - თბილისი, მნათე, 1994. - 120გვ.