ივანე ჩხაიძე

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1980 წელს.

1980-1982წ. იყო თბილისის სახელმწიფო სამედიცინო ინსტიტუტის ბავშვთა სნეულებათა პროპედევტიკის კათედრის კლინიკური ორდინატორი; 1983-1987წწ. ამავე კათედრის ასპირანტი; 1987-2003წწ. კათედრის ასისტენტი; 2003 წლიდან ზოგადი პედიატრიის კათედრის დოცენტი, ასოცირებული პროფესორი; 1997-2007წწ. იყო მ. გურამიშვილის სახელობის პედიატრიული კლინიკის დირექტორის მოადგილე სამკურნალო დარგში; 2006-2007წწ. თბილისის სახელმწიფო სამედიცინო უნივერსიტეტის მედიცინის ფაკულტეტის დეკანის მოადგილე, 2007-2011წწ. თსსუ მედიცინის ფაკულტეტის ხარისხის უზრუნველყოფის სამსახურის უფროსი; 2007-2014წწ. მ. იაშვილის სახელობის ბავშვთა ცენტრალური საავადმყოფოს კლინიკური დირექტორის მოადგილე, მთავარი ექიმი, 2015 წლიდან ამავე კლინიკის სამედიცინო დირექტორი.  

ავტორია 215 სამეცნიერო ნაშრომის, მათგან 74 გამოქვეყნებულია რეფერირებად ჟურნალებში, ხოლო 16 მოყვანილია აშშ-ს ეროვნული სამედიცინო ბიბლიოთეკის საძიებელში(PubMed). ექიმი-პედიატრი, მედიცინის მეცნიერებათა დოქტორი.

საკანდიდატო დისერტაციის თემა – "ლიპიდური ცვლის კომპლექსური შესწავლის მაჩვენებლები ჯანმრთელ დროულ ახალშობილებსა და ზოგიერთი პათოლოგიური მდგომარეობის დროს", დაიცვა 1989 წელს.

სადოქტორო დისერტაციის თემა - "იმუნურ-მეტაბოლური ძვრები და მათი კორექციის გზები მწვავე რესპირაციული ინფექციების დროს ბავშვებში", დაიცვა 2001 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ., 2000.-გვ.329

• ევრაზიის და ხმელთაშუა ზღვის ქვეყნების გულმკერდის საზოგადოებათა ფორუმის გენერალური ასამბლეა, წევრი
• ევროპის რესპირაციული საზოგადოების პედიატრიული ასამბლეის სამუშაო ჯგუფი, წევრი
• პულმონოლოგიაში აკრედიტაციის ევროპული საბჭო, ექსპერტი
• საქართველოს ალერგოლოგთა და კლინიკურ იმუნოლოგთა ასოციაციის გამგეობა, წევრი
• საქართველოს პედიატრთა აკადემიის გამგეობა, წევრი
• საქართველოს რესპირაციული ასოციაციის გამგეობა, თავმჯდომარე

• ახალგაზრდა მეცნიერთა საკავშირო კონკურსის მესამე ხარისხის პრემია