ვლადიმერ სანიკიძე

დაბადების ადგილი: სოფელი ბუგეული, ამბროლაურის რაიონი.

დაამთავრა თბილისის სახელმწიფო სამედიცინო ინსტიტუტი 1943 წელს.

1943–1945წწ. იყო დიდი სამამულო ომის უკრაინის მე–4 ფრონტის მოქმედი არმიის საჰაერო სამხედრო ნაწილების მთავარი ექიმი; 1952–1959წწ. - ბაქოს სამხედრო ოლქის მთავარი ნევროლოგი; 1961–1967წწ. - გერმანიაში საბჭოთა ჯარების მთავარი ნევროლოგ-კონსულტანტი; 1967–1972წწ. - მოსკოვის სამხედრო ოლქის მთავარი ნევროლოგი; 1972–1978წწ. - ამიერკავკასიის სამხედრო ოლქის მთავარი ნევროლოგი; 1978–1998წწ. - ჯანდაცვის სამინისტროს ომის ინვალიდთა რესპუბლიკური ჰოსპიტლის მთავარი ექიმი; 1999-2004წწ. - საქართველოს ომის ვეტერანთა საერთაშორისო კლინიკური ჰოსპიტლის დირექტორი.  ავტორია 156 სამეცნიერო ნაშრომისა ფსიქონევროლოგიისა და ნეიროქირურგიის აქტუალურ საკითხებზე. გამოქვეყნებული აქვს წიგნები. ექიმი ფსიქო-ნევროლოგი, ჯანდაცვის ორგანიზატორი, მედიცინის მეცნიერებათა დოქტორი, პროფესორი.

სადოქტორო დისერტაციის თემა - "დიდი სამამულო ომის (1941–1945) ინვალიდთა სპეციალიზირებული სამედიცინო დახმარების ორგანიზაცია საქართველოში", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.247; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.363; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.306

• ნიუ-იორკის მეცნიერებათა აკადემია, აკადემიკოსი
• რუსეთის ნევროპათოლოგებისა და ფსიქიატრიის საზოგადოება, წევრი
• საქართველოს II მსოფლიო ომის ვეტერანთა საზოგადოება, პრეზიდენტი

• 1998 - ღირსების ორდენი
  ომის ვეტერანთა მკურნალობაში შეტანილი პირადი წვლილისათვის, ჯანდაცვის სისტემის რეორიენტაციის პროცესში მაღალი პროფესიონალიზმის გამოვლენისა და ნაყოფიერი საზოგადოებრივი მოღვაწეობისათვის
• რუსეთის ფედერაციის დამსახურებული ექიმი
• საქართველოს დამსახურებული ექიმი
• შრომის წითელი დროშის ორდენი
• ხალხთა მეგობრობის ორდენი

• საქართველოს ომის ვეტერანთა საერთაშორისო კლინიკური ჰოსპიტლის შრომათა კრებული (რედაქტორი). - თბილისი, აღმაშენებელი, 2001. - 428გვ.
• Неотложная помощь при острых нервно-психических нарушениях (ავტორი). - Тбилиси, Сакартвело, 1996. - 410с.
• ექიმები ჯარისკაცის ფარაჯაში (თანაავტორი). - თბილისი, მეცნიერება, 1990. - 446გვ.