ლეილა სებისკვერაძე

დაბადების ადგილი: ქ. გორი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი.

1943–1945წწ. იყო ქირურგიული განყოფილების ექიმ–ორდინატორი; 1945 წლიდან კ. ჩაჩავას სახელობის პერინატალური მედიცინისა და მეანობა–გინეკოლოგიის სამეცნიერო–კვლევითი ინსტიტუტის ექიმი–გინეკოლოგი; 1956–1957წწ. მუშაობდა ლენინგრადის ონკოლოგიურ ცენტრში; 1972–1991წწ. იყო უფროსი მეცნიერ–თანამშრომელი; 1962–1976წწ. და 1990–1995წწ. საფერშლო–საბებიო სასწავლებლის პედაგოგი; 1980–1985წწ. გაზეთების: "თბილისისა" და "სოფლის ცხოვრების" შტატგარეშე კორესპონდენტი, სახალხო უნივერსიტეტის ლექტორი. ავტორია 58 სამეცნიერო ნაშრომის, რომლებიც ეხება მეანობა–გინეკოლოგიის აქტუალურ საკითხებს. ამავე პრობლემებზე გამოქვეყნებული აქვს 17 ბროშურა, პოპულარულ–მეცნიერული ხასიათის საგაზეთო სტატიები და 8 მეთოდური წერილი პრაქტიკოსი ექიმებისათვის.

საკანდიდატო დისერტაციის თემა - "ნაყოფის წინა და ნივთიერებათა ცვლის ზოგიერთი მონაცემები მაკე ცხოველის ნახშირწყლებით დატვირთვის დროს",  დაიცვა 1965 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.250

• საქართველოს მეან–გინეკოლოგთა სამეცნიერო საზოგადოება, მდივანი (1950-1955)
• საქართველოს მეან–გინეკოლოგთა სამეცნიერო საზოგადოება, წევრი

• მომავალ დედებს (ავტორი). - თბილისი, საბჭ. საქართველო, 1988. - 32გვ.
• ქალიშვილის სამახსოვრო : ექიმ-ჰიგიენისტის რჩევა-დარიგება (თანაავტორი). - თბილისი, საბჭ. საქართველო, 1964. - 22გვ.