დიმიტრი ცისკარიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1963 წელს.

1963-1965წწ. იყო მცხეთის რაისაავადმყოფოს ორდინატორი; 1966-1970წწ. თერაპიის სამეცნიერო კვლევითი ინსტიტუტის უმცროსი მეცნიერ თანამშრომელი; 1970-1975წწ. კლინიკური ელექტროფიზიოლოგიის განყოფილების ხელმძღვანელი; 1975 წლიდან კვლევის ფუნქციური მეთოდების განყოფილების ხელმძღვანელი; ავტორია 86 სამეცნიერო ნაშრომი და რამდენიმე მონოგრაფიის, მათ შორის: "გულის რიტმის დარღვევების მკურნალობა ელექტროიმპულსით"(1971), "კარდიომონიტორული დაკვირვება მიოკარდიუმის ინფარქტის დროს" (1976), "მიტრალური სარქველის პროლაფსი" (1985), "ექოკარდიოგრაფიის ატლასი" (1988); დაინტერესებულია სამხედრო ისტორიის საკითხებით, მას ეკუთვნის პირველი ქართული მონოგრაფია ნაპოლეონზე ("ნაპოლეონი" 1994, ტ. I; 1997, ტ. II); მისი ხელმძღვანელობით დაცულია სამი საკანდიდატო დისერტაცია. მიღებული აქვს სსრკ სამედიცინო აკადემიის პრემია, საუკეთესო ნაშრომისათვის კარდიოლოგიის დარგში (ერთობლივი ჯილდო, 1986). მედიცინის მეცნიერებათა დოქტორი, პროფესორი.

საკანდიდატო დისერტაციის თემა – "მოციმციმე არითმიის სიხშირე, მიმდინარეობის თავისებურებები და მკურნალობის საკითხები გულ–სისხლძარღვთა სისტემის ზოგიერთი დაავადების დროს", დაიცვა 1985 წელს; სადოქტორო დისერტაციის თემა – "გულის დიასტორული ფუნქცია ჰიპერტონული დაავადების დროს ხანგრძლივი მკურნალობის პროცესში", დაიცვა 1985 წელს.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.664; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.196

• საქართველოს ინტერნისტთა საზოგადოების საზოგადოების გამგეობა, წევრი
• სრულიად საქართველოს ულტრაბგერითი გამოკვლევების ასოციაცია, პრეზიდენტი

• 2000 - ღირსების ორდენი

• ნაპოლეონი = Napoleon : 2 წიგნად (ავტორი) // წ. 1 : გენერალი ბონაპარტი. - თბილისი, ლომისი, 1998. - 487გვ.
• ნაპოლეონი = Napoleon (ავტორი) // წ. 2 : იმპერატორი. - თბილისი, ლომისი, 1997. - 668უვ.
• გულ-სისხლძარღვთა სისტემის გამოკვლევის ზოგიერთი თანამედროვე მეთოდი (თანაავტორი). - თბილისი, საბჭ. საქართველო, 1988. - 134გვ.
• გულის რიტმის დარღვევების მკურნალობა ელექტროიმპულსით (თანაავტორი). - თბილისი, საბჭ. საქართველო, 1971. - 129გვ.