გურამ ტატიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1954 წელს.

1954 წლიდან იყო თბილისის სახელმწიფო სამედიცინო ინსტიტუტის კლინიკური ორდინატორი, ასისტენტი, დოცენტი, კათედრის პროფესორი, კათედრის გამგე. 1960–1962წწ. მუშაობდა ტრავმატოლოგიის და ორთოპედიის სამეცნიერო კვლევითი ინსტიტუტის დირექტორად;1969–1974წწ. ქირურგიის ინსტიტუტის ტრანსპლანტოლოგიის ლაბორატორიის გამგედ; 1980–1987წწ. საქართველოს ჯანდაცვის სამინისტროს მთავარ ქირურგად. ავტორია 192 სამეცნიერო ნაშრომის, გამოქვეყნებული აქვს მონოგრაფიები; მისი ხელმძღვანელობით დაცულია 6 სადოქტორო და 14 საკანდიდატო დისერტაცია. არის მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "კუჭისა და თორმეტგოჯა ნაწლავის წყლულოვანი დაავადების დროს ინტრამურული ნერვული სისტემის მდგომარეობა", დაიცვა 1957 წელს.

სადოქტორო დისერტაციის თემა - "მთლიანი ძვალ–სახსროვანი ჰომოტრანსპლანტანტის გადანერგვა", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.261

• საქართველოს ქირურგთა საზოგადოება, თავმჯდომარის მოადგილე
• ქირურგთა ასოციაციის გამგეობა, წევრი

• ბრწყინვალების საპრეზიდენტო ორდენი
• სსრკ სახელმწიფო პრემია
• საქართველოს მეცნიერებათა დამსახურებული მოღვაწე

• ეგნატე ფიფია-დიდი ქართველი ქირურგი, მეცნიერი, პედაგოგი და საზოგადო მოღვაწე (ავტორი). - თბილისი, საქ. მეცნ. ეროვნ. აკად. სტ., 2011. - 28გვ.
• ნაწლავთა მწვავე შეხორცებითი გაუვალობის ოპერაციის შემდგომი მკურნალობა (ავტორი). - თბილისი, საქართველო, 1992. - 188გვ.. - ISBN: 5-529-00873-9