ირაკლი ტატიშვილი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1986 წელს.

1986–1987წწ. ინტერნატურა თერაპიაში გაიარა ნ. კახიანის სახელობის რკინიგზის კლინიკურ საავადმყოფოში; 1987–1990წწ. იყო ხაშურის საგზაო კლინიკური საავადმყოფოს ექიმი–თერაპევტი; 1990–1993წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის ასისტენტი; 1994–1997წწ. ატლანტა–თბილისის სამედიცინო თანამშრომლობის პროგრამის ადმინისტრაციული ასისტენტი; 1993 წლიდან თბილისის სახელმწიფო სამედიცინო უნივერსიტეტის შინაგან სნეულებათა N2 კათედრის ასისტენტი. ავტორია 8 სამეცნიერო ნაშრომის ჰემატოლოგიისა და კარდიოლოგიის პრობლემებზე. არის ექიმი–თერაპევტი, რადიოლოგი, მედიცინის მეცნიერებათა კანდიდატი, კონსტანტინე მარდალეიშვილის სამედიცინო ცენტრის კომპიუტერული ტომოგრაფიის სამსახურის უფროსი, მედიცინის აკადემიური დოქტორი.

საკანდიდატო დისერტაციის თემა - "ვოლუმორეგულაციის ჰუმირიტი ფაქტორები ღვიძლის ქრონიკული დაავადებების დროს", დაიცვა 1991 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.262

• შინაგან სნეულებათა დიაგნოსტიკა : სახელმძღ. სამედ. უნ-ტის სტუდენტებისათვის (ავტორი). - თბილისი, "საქართველოს მაცნეს" გამ-ბა და სტ., 2003. - 351გვ. . - ISBN: 99928-28-78-1
• შინაგან სნეულებათა დიაგნოსტიკა : სახელმძღვ. სამედ. უნ-ტის სტუდ.-თვის (ავტორი). - თბილისი, ბაკურ სულაკაურის გამ-ბა, 2001. - 349გვ.. - ISBN: 99928-52-79-8
• ექიმი იღიმება (ავტორი). - თბილისი, საქართველო, 1991. - 44გვ.