მარინა ჭიჭინაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.

1965-1997წწ. იყო საქართველოს მეცნიერებათა აკადემიის ალ. ნათიშვილის სახელობის ექსპერიმენტული მორფოლოგიის ინსტიტუტის ასპირანტი, უმცროსი, უფროსი, წამყვანი მეცნიერ თანამშრომელი, სწავლული მდივანი; 1997 წლიდან სხივური და ინტერვენციული დიაგნოსტიკის სამეცნიერო კვლევითი ინსტიტუტის დირექტორის მოადგილე სამეცნიერო დარგში; ავტორია 49 სამეცნიერო ნაშრომის; გამოქვეყნებული აქვს რამდენიმე მონოგრაფია: "პანკრეასში რეგენერაციული პროცესების მორფო–ფუნქციური ანალიზი" (1972), "საერთაშორისო ჰისტოლოგიური ნომენკლატურა" (1977), "ემბრიოლოგიურ ტერმინთა მოკლე განმარტებითი ლექსიკონი" (1986).

საკანდიდატო დისერტაციის თემა – "რეგენერირებული პანკრეასის მორფო–ფუნქციური ანალიზი", დაიცვა 1969 წელს.

• საქართველოს ანატომთა, ჰისტოლოგთა და ემბრიოლოგთა საზოგადოება, წევრი

• ანატომიურ-ჰისტოლოგიურ-ემბრიოლოგიური ტერმინოლოგია = Анатомо-гистолого-эмбриологическая терминология (თანაავტორი). - თბილისი, მეცნიერება, 1997. - 476გვ.